निशिकान्त कामत

निशिकान्त कामत (१७ जून १९७० - १७ अगस्ट २०२०) एक भारतीय चलचित्र निर्देशक र अभिनेता थिए । उनको पहिलो चलचित्र डोम्बिवली फास्ट सन् २००५ कै सबैभन्दा चर्चित मराठी चलचित्र भएको हुनाले उनले सो चलचित्रको लागि विभिन्न पुरस्कार र सम्मान पाएका थिए । उनले यस चलचित्रलाई तमिलमा आर. माधवनलाई प्रमुख पात्रको भूमिका प्रदान गरी एवनो ओरुवनको नाममा सार्वजनिक गरेका थिए जसले सकारात्मक आलोचनात्मक प्रतिक्रिया पाएको थियो । उनले सातच्या आत घरात नामक मराठी चलचित्रमा पनि अभिनय गरेका थिए ।

निशिकान्त कामत
ड्याडीको प्रदर्शनीमा कामत
जन्म	१७ जून १९७० मुम्बई, महाराष्ट्र, भारत
मृत्यु	१७ अगस्ट २०२०(2020-08-17) (उमेर ५०) हैदराबाद, भारत
पेशा	निर्देशक अभिनेता
कार्यकाल	सन् २००४ - सन् २०२०

२००६ मुम्बई उपनगरीय रेल बम विस्फोटमा आधारित उनको पहिलो चलचित्र मुम्बई मेरी जानले उनलाई बलिउडमा लोकप्रिय बनाएको थियो । उनले रकी ह्यान्ड्सममा विरोधी पात्रको भूमिका निर्वाह गरेका थिए ।

कामत मुम्बईको विल्सन महाविद्यालय र रामनारायण रुइया महाविद्यालयका पूर्व छात्र थिए जहाँ उनी नाट्य विभागमा लोकप्रिय भएका थिए ।

चलचित्र

वर्ष	चलचित्र	भाषा	निर्देशक	लेखक	अभिनेता	टिप्पणी
सन् २००४	हवा आने दे	हिन्दी			हो
सन् २००४	सातच्या आत घरात	मराठी		हो	हो
सन् २००५	डोम्बिवली फास्ट	मराठी	हो			फलिङ डाउनमा आधारित
सन् २००७	एवनो ओरुवन	तमिल	हो			डोम्बिवली फास्टको आधिकारिक तमिल रूपान्तरण
सन् २००८	मुम्बई मेरी जान	हिन्दी	हो
सन् २०११	४०४	हिन्दी			हो
सन् २०११	फोर्स	हिन्दी	हो			काक्क काक्कको आधिकारिक हिन्दी रूपान्तरण
सन् २०१४	लई भारी	मराठी	हो
सन् २०१५	दृश्यम	हिन्दी	हो			दृश्यमको आधिकारिक हिन्दी रूपान्तरण
सन् २०१६	रकी ह्यान्ड्सम	हिन्दी	हो		हो	द म्यान फ्रम नोवेरमा आधारित
सन् २०१६	मदारी	हिन्दी	हो
सन् २०१७	फुगे	मराठी			हो
सन् २०१७	ड्याडी	हिन्दी			हो	प्रहरी निरीक्षक विजयकर नितिनको भूमिकामा
सन् २०१७	जूली २	हिन्दी			हो	चलचित्र निर्देशक मोहितको भूमिकामा
सन् २०१८	भावेश जोशी सुपरहिरो	हिन्दी			हो

टेलिभिजन

• द फाइनल कल - रचनात्मक निर्माता (सन् २०१९ - सन् २०२०)
• रङ्गबाज फिरसे - रचनात्मक निर्माता

पुरस्कार तथा नामाङ्कन

• निशिकान्त कामतले सन् २००६ मा डोम्बिवली फास्टको लागि सर्वोत्कृष्ट मराठी चलचित्रको श्रेणीमा राष्ट्रिय चलचित्र पुरस्कार प्राप्त गरेका थिए ।

मृत्यु

ज्वरो र अत्यधिक थकावट भएको कामतलाई ३१ जुलाई २०२० मा हैदराबादको एउटा अस्पतालमा लागिएको थियो । त्यहाँ उनलाई दुई वर्ष देखि कलेजोको सिरोसिस भएको निदान गरिएको थियो । १६ अगस्ट २०२० देखि उनलाई स्वास-प्रस्वासमा समस्या भइरहेको थियो । १७ अगस्ट २०२० मा ५० वर्षको उमेरमा उनको यही रोगको कारणले निधन भयो ।

बाह्य कडीहरू

• इन्टरनेट चलचित्र डेटाबेसमा निशिकान्त कामत