निक रबिन्सन (अमेरिकी अभिनेता)

निकोलस जोन रबिन्सन (अङ्ग्रेजी: Nicholas John Robinson; जन्म मार्च २२, १९९५) एक अमेरिकी अभिनेता हुन् । सन् २००८ मा उनले अ क्रिसमस क्यारोल र मेम को नाट्यशाला प्रदर्शनीमा बाल कलाकारको भूमिकामा अभिनय गरेपछि सन् २०१० देखि सन् २०१५ मा मेलिसा एन्ड जोई नामक टेलिभिजन कार्यक्रममा देखा परेका थिए । सन् २०१५ मा जुरासिक वर्ल्डमा सहायक पत्रको भूमिका खेलेका रबिन्सनले सन् २०१३ मा द किङ्स अफ समर, सन् २०१५ मा द फिफ्थ वेभ, सन् २०१७ मा एभ्रिथिङ, एभ्रिथिङ, सन् २०१८ मा लभ, साइमन र सन् २०१९ मा नेटिभ सनमा प्रमुख भूमिकामा देखिएका थिए ।

निक रबिन्सन
सन् २०१८ मा लभ, साइमन को प्रथम प्रदर्शनमा रबिन्सन ।
जन्म	निकोलस जोन रबिन्सन (१९९५-०३-२२)मार्च २२, १९९५ सियाटल, वाशिङ्गटन, संयुक्त राज्य अमेरिका
शिक्षा	क्याम्पबेल हल स्कूल
मातृ शिक्षाप्रतिष्ठान	न्यू योर्क विश्वविद्यालय
पेशा	अभिनेता
कार्यकाल	सन् २००६ - वर्तमान

सन् २०१८ मा रबिन्सनलाई फोर्ब्सको ३० अन्डर ३० को हलिउड श्रेणीमा सूचिकृत गरिएको थियो ।

बाल्यकाल

रबिन्सनको जन्म मार्च २२, १९९५ मा सियाटल, वाशिङ्गटनमा भएको थियो । आफ्नी आमा डेनिस पड्नारबाट उनका ४ भाइबहिनी र विमाताबाट २ दाइदिदी छन् । उनले सन् २०१३ मा क्याम्पबेल हाल स्कूलबाट पढाइ पूरा गरे । न्यू योर्क विश्वविद्यालयमा भर्ना भएपनि मेलिसा एन्ड जोईको अझै एउटा सत्र सक्काउने उद्देश्यले उनले पाठ्यक्रम एक वर्ष पछि सारे ।

कार्य जीवन

११ वर्षको उमेरमा चार्ल्स डिकेन्सको अ क्रिसमस क्यारोलको नाट्यशाला प्रदर्शनीमा बाल कलाकारको भूमिका खेली रबिन्सनले आफ्नो कार्य जीवनको सुरुवात गरेका थिए । ट्यालेन्ट स्काउट म्याट क्यासेलाको सल्लाह अनुसार रबिन्सनले लस एन्जलसको स्यभेज एजेन्सीसँग साझेदारी गरे । सन् २००७ र सन् २००८ का अमेरिकी लेखक हड्तालका कारण रबिन्सन उनका परिवारका साथ वशिङ्गटन फर्किए जहाँ उनले सियाटलका नाट्यशाला प्रदर्शनीहरूमा भाग लिए ।

सन् २०१० मा रबिन्सनले एबिसी टेलिभिजन कार्यक्रम मेलिसा एन्ड जोईमा मेलिसा जोन हार्टकी बहिनीको छोरा, राइडर स्क्यानलनको भूमिका निर्वाह गरे ।

सन् २०११ मा मेलिसा एन्ड जोईको अन्तरालमा रबिन्सनले जेन्डेया र बेला थोर्नसँग डिज्नी च्यानलको फ्रेनेमिज नामक चलचित्रमा काम गरे । फ्रेनेमिजको प्रसारण जनवरी २०१२ मा डिज्नी च्यानलमा भएको थियो ।

सन् २०१२ मा रबिन्सनलाई द किङ्ग्स अफ समरमा जो टोइको भूमिकामा राखियो । उनले एचबीओको ब्रोडवाक एम्पायरको तेस्रो सत्रमा "ब्लू बेलबोइ" को भूमिका निर्वाह गरे । उनी कक्स कम्युनिकेशन्सका टेलिभिजन विज्ञापनहरूमा देखिन थालेका थिए ।

सन् २०१५ को टोरन्टो चलचित्र उत्सवमा रबिन्सन ।

सन् २०१३ को अन्त्यतिर रबिन्सनलाई जुरासिक वर्ल्डमा सहायक पात्रको भूमिका निर्वाह गर्न राखिएको थियो । यसको प्रथम प्रदर्शन सन् २०१५ मा भयो । टाई सिम्किन्सका साथ जुरासिक वर्ल्ड उनले ब्राइस ड्यालस हावर्डलाई भेट्न जाने दाजुभाइको टोलीको भूमिका निभाउँछन् । जनवरी २०१६ मा निकालिएको द फिफ्थ वेभमा उनी बेन प्यारिशको भूमिकामा देखिए । यी भूमिकाका कारणले उनी मेलिसा एन्ड जोईको अन्तिम सत्रको लागि आउन सकेनन् तर कार्यक्रमका अन्तिम तीन भागमा उनलाई देख्न सकिन्छ ।

उनले बिइङ चार्ली नामक स्वतन्त्र चलचित्रमा मुख्य पात्र खेलेका थिए । उक्त चलचित्र सन् २०१६ मा विस्वभर प्रदर्शन गर्नु अघि टोरन्टो अन्तर्राष्ट्रिय चलचित्र उत्सवमा प्रदर्शन गरिएको थियो ।

सन् २०१७ मा उनी क्रिस्टलमा देखिए । त्यही साल उनले एभ्रीथिङ, एभ्रीथिङमा अलिको भूमिका निर्वाह गरे ।

अल्डेन एरेनरिचलाई सोलो: अ स्टार वार्स स्टोरीमा हान सोलोको भूमिकामा राख्नु भन्दा अगाडि निक रबिन्सनलगायत अन्य अभिनेताहरूलाई यस भूमिकामा राख्ने विचार गरिएको थियो ।

सन् २०१८ मा रबिन्सनले लभ, साइमनमा साइमन स्पियरको भूमिका निर्वाह गरे । प्रख्यात स्टुडियोले पहिलो पटक समयौनिक पुरुषको कथा बनाएको हुनाले यस चलचित्रलाई क्रान्तिकारी मानिन्छ । रबिन्सनको प्रदर्शनका कारण उनले धेरै सकारात्मक प्रतिक्रिया पाए । यस चलचित्रको संस्कृतिक प्रभावलाई ध्यानमा राखी उनले विद्यार्थीको भूमिका नखेल्ने व्यक्तिगत नियम तोडेको खुलासा गरिएको छ ।

सन् २०१९ मा उनी नेटिभ सनमा देखिएका थिए । जून २०१८ मा उनको वीटजी ब्याटमा देखिने खुलासा भएको थियो ।

अभिनय

चलचित्र

वर्ष	नाम	भूमिका	टिप्पणी
सन् २००९	सिसी २०१०	सिसीको बुवा (जवान)	छोटो चलचित्र
सन् २०१२	फ्रेनेमिज	जेक लोगन
सन् २०१३	द किङ्ग्स अफ समर	जो टोइ
सन् २०१५	जुरासिक वर्ल्ड	ज्याक मिचेल
सन् २०१५	द क्याव किड	पङ्क किड	छोटो चलचित्र
सन् २०१५	बिइङ चार्ली	चार्ली मिल्स
सन् २०१६	द फिफ्थ वेभ	बेन प्यारिश
सन् २०१७	एभ्रीथिङ, एभ्रीथिङ	दोस्रो बार अतिथि	क्यामियो
सन् २०१७	कङ : स्कल आइल्यान्ड	अलि ब्राइट
सन् २०१७	क्रिस्टल	टेलर अग्बर्न
सन् २०१८	लभ, साइमन	साइमन स्पियर
सन् २०१९	नेटिभ सन	ज्यान एर्लोन
सन् २०१९	स्ट्रेन्ज बट ट्रू	फिलिप चेस
सन् २०२०	श्याडो इन द क्लाउड	अघोषित	पोस्ट उत्पादन
अघोषित	सिल्क रोड	रस अलब्राइट	पोस्ट उत्पादन

टेलिभिजन कार्यक्रम

वर्ष	नाम	भूमिका	नेटवर्क	टिप्पणी
सन् २०१० - सन् २०१५	मेलिसा एन्ड जोई	राइडर स्क्यानलन	एबिसी	प्रमुख पात्र, ८९ भाग
सन् २०१२	ब्रोडवाक एम्पायर	रोल्यान्ड स्मिथ	एचबीओ	भाग: "ब्लू बेलबोइ"
सन् २०२०	लभ, भिक्टर	साइमन स्पियर	हुलु	प्रमुख पात्र, १० भाग कार्यकारी निर्माता
सन् २०२०	अ टीचर	एरिक टल	हुलु	प्रमुख पात्र, १० भाग

भिडियो गेम

वर्ष	नाम	भूमिका	टिप्पणी
सन् २०१५	लेगो जुरासिक वर्ल्ड	ज्याक मिचेल (स्वर)
सन् २०१५	लेगो डाइमेन्शन्स

नाट्यशाला

वर्ष	नाम	भूमिका	स्थल
सन् २००७	टू किल अ मकिङबर्ड	जेम फिन्च	इन्टिम्यान प्लेहाउस
	अ क्रिसमस क्यारोल	समूह	एसिटी थिएटर
सन् २००८
सन् २००८	मेम	प्याट्रिक डेनिस	फिफ्थ एभेन्यू थिएटर
सन् २००९	अ थाउजेन्ड क्लाउन्स	निक बर्न्स	इन्टिम्यान प्लेहाउस
सन् २०१०	लस्ट इन योङ्कर्स	आर्टी कर्निट्स	भिलेज थिएटर
सन् २०१९	टू किल अ मकिङबर्ड	जेम फिन्च	शुबर्ट थिएटर

पुरस्कार र नामाङ्कन

वर्ष	पुरस्कार	श्रेणी	काम	परिणाम	सन्दर्भ
सन् २०१३	फिनिक्स फिल्म क्रिटिक्स सोसाइटी अवार्ड्स	प्रमुख वा सहायक पात्रको भूमिकामा सर्वोत्कृष्ट युवा प्रदर्शन - पुरुष	द किङ्ग्स अफ समर	मनोनित
सन् २०१५	यङ एन्टरटेनर्स अवार्ड्स	सर्वोत्कृष्ट प्रमुख युवा अभिनेता - फिचर चलचित्र	जुरासिक वर्ल्ड	मनोनित
सन् २०१७	टीन चोइस अवार्ड्स	चोइस नाट्य चलचित्र अभिनेता	एभ्रीथिङ, एभ्रीथिङ	मनोनित
सन् २०१८	एमटिभी मूभी एन्ड टिभी अवार्ड्स	सर्वोत्कृष्ट चुम्बन] (कीनन लंसडेलका साथ])	लभ, साइमन	विजयी
	मानव अधिकार अभियान	एलाइ फर इक्वालिटी अवार्ड		विजयी
	मावी चलचित्र उत्सव	राइजिङ स्टार अवार्ड		विजयी
	टीन चोइस अवार्ड्स	चोइस ब्रेकआउट मूभी स्टार		विजयी
		चोइस मूभी शिप (कीनन लंसडेलका साथ)		मनोनित
	लस एन्जलस अनलाइन फिल्म क्रिटिक्स सोसाइटी	सर्वोत्कृष्ट अभिनेता		मनोनित
	पीपल्स चोइस अवार्ड्स	सर्वोत्कृष्ट अभिनेता		मनोनित
		सर्वोत्कृष्ट हास्य अभिनेता		मनोनित
सन् २०१९	सेटलाइट अवार्ड्स	सर्वोत्कृष्ट अभिनेता		मनोनित

बाह्य कडी

• इन्टरनेट चलचित्र डेटाबेसमा निक रबिन्सन
• फेसबुकमा निक रबिन्सन
• निक रबिन्सन ट्विटरमा
• इन्स्टाग्राममा निक रबिन्सन