तिनधारे झरना

तिनधारे झरना नेपालको काभ्रेपलाञ्चोक जिल्लाको रोशी गाउँपालिकामा पर्ने झरना हो। यो झरनाको उद्गम स्थान महाभारत पर्वत शृङ्खलामा रहेको छ। यो झरना काभ्रेपलाञ्चोक जिल्लाको सदरमुकाम धुलिखेलबाट ३० किलोमिटरको दुरीमा अवस्थित छ। समुद्र सतहबाट लगभग १८०० मिटर उचाइमा रहेको यो झरनाको उचाई लगभग ३०० मिटर छ। तिनधारे झरना बिसं २०२८ सालमा पत्ता लागेको थियो।

तिनधारे झरना
नेपालको नक्सामा
स्थान	रोशी काभ्रेपलाञ्चोक, नेपाल
निर्देशाङ्क	२७°३०′०७″N ८५°३२′४७″E
अवनति	लगभग १८०० मिटर
जम्मा उचाइ	लगभग ३०० मिटर
पानीको धारा	रोसी खोला

नामाकरण

महाभारतको लेकबाट तिनवटा धाराको रूपमा खसेको हुनाले यस झरनाको नाम 'तिनधारे झरना' रहेको हो।

पर्यटन

तिनधारे झरना काभ्रेपलाञ्चोक जिल्लाको चर्चित पर्यटकिय स्थल हो। यस झरनामा काठमाडौँबाट सडक मार्गबाट धुलिखेल, नमोबुद्ध दाप्चा हुँदै जान सकिन्छ।