जोबाइक

जोबाइक (बङ्गाली: জোবাইক बङ्गलादेशमा आधारित साइकल साझेदार गर्ने एक प्रणाली वा सेवा हो जसले राजधानी ढाका, चटगाउँ र कक्स बजार लगायतका सहरहरूमा सेवा सञ्चालन गर्दछ। अर्को शब्दमा भन्नु पर्दा जोबाइक ग्राहकहरूको मागमा आधारित एक साइकल साझेदारी सेवा हो जसले सबैलाई सजिलैसँग छोटो यात्राको अवसर प्रदान गर्दछ। यसलाई सार्वजनिक यातायातको लागि ए यो सार्वजनिक यातायातको लागि एक नवीन समाधान हो। यो व्यक्तिगत गतिशीलताको सशक्तीकरण, आर्थिक बृद्धि, जीवनयापन बढाउन, र नागरिकहरूको सक्रिय र स्वस्थ जीवनशैलीको प्रवर्द्धनको लागि निर्माण गरिएको थियो। जोबाइक यातायात समाधानको प्रकार हो जुन पूर्ण रूपमा हरित, प्रदूषण रहित र वातावरण मैत्री छ। यसको साइकल यातायात समाधानले भीड र प्रदुषणलाई कम गर्दछ र प्रविधि मार्फत सहरी जीवन शैली सुधार गर्न मद्दत गर्दछ।

जोबाइक জোবাইক
सामान्य जानकारी
अवस्थित	ढाका, चित्तागोङ, कक्स बाजार
पारवहनको प्रकार	साइकल साझेदारी प्रणाली
स्टेसन सङ्ख्या	५ (मार्च २१९)
वेबसाइट	www.jo.bike
सेवा
सेवा शुरुवात	सन् २०१८
सवारी सङ्ख्या	३०० (मार्च २०१९)

सन् २०१८ मा सुरू गरिएको, यो बङ्गलादेशमा पहिलो यस्तो प्रणाली हो। हाल, यसमा सञ्चालित सहर भरि ३०० जोबाइक साइकल स्टेशनहरू छन्, जहाँ जहागिरनगर विश्वविद्यालय, चटगाउँ विश्वविद्यालय, र शाहजलाल विज्ञान तथा प्रविधि विश्वविद्यालय, साथै कोक्स बाजार जस्ता उप नगरीय स्थानहरू समावेश छन्।

सञ्चालन प्रणाली

सेवाको प्रयोग गर्नका लागि ग्राहकहरूले पहिला यसको आधिकारिक मोबाइल अनुप्रयोग डाउनलोड गर्नु पर्दछ। त्यसपछि यसमा खाता खोली अनुप्रयोग सुरू गर्नुपर्दछ। ग्राहकहरूले साइकलहरू कहाँ पाइन्छ भन्ने बारेमा पत्ता लगाउन सक्दछन्। प्रयोगकर्ताहरूले उनीहरूको स्मार्ट फोनमा जोबाइक अनुप्रयोग स्थापना गर्न सक्छन् र जो क्रेडिट ब्यालेन्स मार्फत सेवा पहुँच गर्न सक्नेछन्। जोइबाइकबाट साइकल भाडामा लिनका लागि भुक्तानी जानकारी प्रविष्ट गरेपछि क्युआर अङ्क प्रदान गरिन्छ जुन साइकलमा छापिएको हुन्छ र उक्त साइकलमा पहुँच गर्नका लागि स्क्यान गर्न आवश्यक हुन्छ। यसको मोबाइल अनुप्रयोग आइओएस र एण्ड्रोइडमा उपलब्ध छ।

इतिहास

यसलाई १८ जून, २०१८ मा मेहेदी रजाले स्थापना गरेका थिए। यस सेवाको यात्रा पर्यटकीय सहर कोक्स बजारमा साइकल स्टेसन खोले पछि सुरु भएको थियो। सुरुमा, यो सेवा केवल कोक्स बजारको कालाटोली, सुगन्धा र लाबानी पोइन्टबाट लिन सकिन्थ्यो। पछि कम्पनी जहानिरनगर विश्वविद्यालयमा उनीहरूको काम सुरु गरेको थियो। यसको निरन्तरतामा, यसले हाल यसका गतिविधिहरू चटगाउँ विश्वविद्यालय, शाहजलाल विज्ञान तथा प्रविधि विश्वविद्यालय र ढाका सहरमा सञ्चालन गर्दै आइरहेको छ।

बाह्य कडीहरू

• जोबाइक वेब्याक मेसिन अभिलेखिकरण २०१९-०६-०५ मिति