जाइकु

जाइकु एक सामाजिक सञ्चाल, सूक्ष्म-ब्लगिङ तथा प्रवाह सेवा सेवा थियो जसलाई टुइटरसँग तुलना गर्न सकिन्छ। जाइकुको स्थापना फेब्रुअरी २००६ मा फिनल्यान्डका जिरी इङ्गेष्ट्रोम र  पेतिरी कोपोनेनद्वारा गरिएको थियो र यसको सुरुवात सोही वर्षको जुलाईबाट गरिएको थियो। यसलाई गुगलद्वारा ९ अक्टोबर २००७ मा खरीद गरिएको थियो। 

जाइकु

पूर्व प्रकार	सुक्ष्म ब्लगिङ
उद्योग	अनलाइन सेवा
स्थापित	फेब्रुअरी २००६
बन्द	१५ जनवरी २०१२
केन्द्रीय कार्यालय	हेल्सिन्की, फिनल्यान्ड
मूल सङ्गठन	गुगल
वेबसाइट	www.jaiku.com

जाइकु लिमिटेड स्वतन्त्र कम्पनी भएको बेलामा यसको प्रधान कार्यालय फिनल्यान्डको राजधानी हेल्सिन्कीमा अवस्थित थियो।

इतिहास

जाइकुलाई फेब्रुअरी २००६ मा हेलसिन्कीमा आधारित जाइकु लिमिटेडले सृजना गरेको थियो। जाइकुका संस्थापकहरूले जाइकुमा गरिने प्रकाशनहरू जापानी हाइकुसँग मिल्दोजुल्दो भएका हुनाले उनीहरूले सो नाम लिएको बताएका थिए। साथै, फिनल्यान्डका आदिवासी सामी व्यक्तिहरूले परम्परागत रूपमा जाइकुमा गाएर परम्परागत गीतहरू कथाको रूपमा साझा गरेका गर्ने गरेका थिए।

१४ जनवरी २००९ मा, गुगलले उत्पादनलाई खुल्ला स्रोत बनाउने र जाइकुको अङ्क भण्डारलाई सक्रियताका साथ विकसित नगर्ने र यसको विकासलाई गुगल प्रयोगकर्ताहरूको उत्कृष्ट स्वयम्सेवक टोलीलाई सुम्पिने कुराको घोषण गरेको थियो। उक्त सम्झौताको वित्तीय सर्तहरू भने जारी गरिएको थिएन। जाइकुका टोलीहरूले गुगललाई आफ्नो आगामी जी फोन परियोजनामा ​​मद्दत गर्ने बताएको थियो। त्यसपछि, यसमा नयाँ प्रयोगकर्ताहरूको पञ्जीकरणहरू बन्द गरिएको थियो। 

१२ मार्च २००९ मा, जाइकुलाई गुगलको अनुप्रयोग इञ्जिन मञ्च पुन: प्रक्षेपण गरिएको थियो। १३ मार्च २००९ मा जाइकु इञ्जिनलाई स्रोत अङ्कको (जाइकु डटकम अङ्क भण्डारको खुला स्रोतको समान) जारी गरिएको थियो जसको अभिप्राय पूर्ण अनुकूलन योग्य सूक्ष्म ब्लगिङ प्रस्तावहरूको साथ सूक्ष्म ब्लगिङ क्षेत्रमा प्रतिस्पर्धा गर्ने थियो। 

१४ अक्टोबर २०११ मा, गुगलले १५ जनवरी २०१२ सम्ममा यसका सम्पूर्ण सेवाहरूको बन्द गरिने घोषण गरेको थियो। यो घोषणा गुगलले गुगल बज र आई गुगलको सामाजिक सुविधाहरू बन्द गर्ने लहरमै आएको थियो। फेब्रुअरी २०१९ सम्ममा, यसको डोमेन नाम प्रविष्ट गर्दा गुगलमा त्रुटि देखाइएको छ।

२९ नोभेम्बर २०१९ मा, जाइकुका पूर्व प्रयोगकर्ताहरूको एउटा समूहले जइकुआर्काइभ डटकमको प्रक्षेपण गरेका थिए जसको उद्देश  उपस्थिति पुरातन अङ्कीय सम्पदाको महत्त्वपूर्ण अंश बचाउनु थियो। मूल सङ्ग्रह साइट सन् २०१४ मा बन्द गरीएको थियो र पछि यो निष्कृय भएको थियो र उक्त अभिलेख वेबसाइट हाल, एक अनलाइन जुवा साइटमा पुनः निर्देशित भएको छ।

सफ्टवेयर

जाइकुले विगतमा वेबसाइट, मोबाइल वेबसाइट र ग्राहक अनुप्रयोग समावेश गरेको थियो जसले एस६० फोनमा चल्ने प्रतिस्थापन ठेगाना पुस्तिकाको रूपमा काम गरेको थियो। 

जाइकु यसको मोबाइल ग्राहक सफ्टवेयर मार्फत नोकिया एस६० मञ्चका मोबाइल उपकरणहरूसँग उपयुक्त थियो। सफ्टवेयरले प्रयोगकर्ताहरूलाई जाइकु पृष्ठमा सफ्टवेयर मार्फत सामग्रीहरूको प्रकाशन गर्नको लागि अनुमति दिन्छ।

जाइकु र यसको प्रतिस्पर्धी टुइटर बीचको मुख्य भिन्नता भनेको प्रत्यक्ष प्रवाह थियो, जसले यसको वेबसाइटमा सामग्री, गतिविधि लगायतका सामग्रीहरूलाई साझा गर्न अनुमति दिन्थ्यो। यसले अन्य मञ्चहरूका सामग्रीहरूको पनि उपयोग गर्दथ्यो जस्तै तस्वीरका लागि फ्लिकर, सङ्गीतको लागि लाष्ट डटएफएम, र मोबाइल फोनबाट स्थान आदी। जाइकु पछि खुला स्रोत भएका कारण यसबाट लोकप्रिय सेवा प्रवाह हटाइएको थियो।

विशेषता

जाइकु डटकमले प्रयोगकर्ताहरूलाई आफ्नो विचार, राय, र उनीहरूको जीवन वा कुनै अन्य विषयको सम्बन्धमा टिप्पणीहरू सार्वजनिक गर्न अनुमति दिन्थ्यो। प्रयोगकर्ताहरूद्वारा सृजना गरिएका सामग्रीहरूलाई "जाइकुस" भनिन्थ्यो यसमा प्रयोगकर्ताहरूलाई उनीहरूको सार्वजनिक, सार्वजनिक रूपमा देखिने वा निजी बनाउने विकल्प समावेश थियो। साइटले प्रयोगकर्ताहरूलाई सम्पर्कमा रहन र साथीहरूसँग कुराकानी गर्न वेबसाइट वा मोबाइल अनुप्रयोग मार्फत अनुमति दिएको थियो।

यो पनि हेर्नुहोस्

• आइडेण्टि डट सिए
• टम्ब्लर्
• ट्विटर
• सामाजिक सञ्जाल

बाह्य कडीहरू

• जाइकु इञ्जिन
• जाइकु इञ्जिन सूची