केमु

केमु सन् २०१३ मा स्थापित एक अनलाइन बजार हो जसले अफ्रिका, युरोप र एसियामा स्थानीयकृत उपभोक्त देखि उपभोक्त र खुद्रा उत्पादनहरूको प्रदान गर्दछ। मञ्चले खरीददारहरू र विक्रेताहरूलाई नयाँ र प्रयोग गरिएका फेशन सामग्री, मोबाइल फोन, गहना, तथा घरेलु उपकरणहरूमा खरिद बिक्री सम्झौता गर्न अनुमति दिन्छ।

केमु

साइटको प्रकार	इ-वाणिज्य
उपलब्ध भाषा	अरबी, अङ्ग्रेजी फ्रान्सेली, पोर्चुगाली
संस्थापित	२०१३ (2013)
सेवा क्षेत्र	अफ्रिका, एसिया, युरोप
उद्योग	इन्टरनेट
अभिभावक	रकेट इन्टरनेट, अफ्रिका इन्टरनेट समूह, एसिया प्रशान्त इन्टरनेट समूह
युआरएल	www.kaymu.com
चालु भएको मिति	2013

इतिहास

केमुले जनवरी २०१३ मा पाकिस्तान र नाइजेरियामा सेवा सञ्चालन गरेको थियो। सुरुवातको २७ महिना भित्र यसले अन्य ३२ देशहरूमा सेवा पुर्‍याएको थियो। केमुले इबेको शैलीको प्रतिलिपि गर्दछ।

यसले प्रथम-पक्षिय उत्पादनहरूको बिक्री गर्दैन र यसमा सञ्चालित प्रत्येक देशहरूको लागि यससँग अलग खुद्रा वेबसाइटहरू रहेका छन्।

केमुको नजिकका प्रतिस्पर्धी नासपर्सको स्वामित्वमा रहेको ओएलएक्स हो जसले १०० भन्दा बढी देशहरूमा सेवा सञ्चालन गर्दछ भने यसले उपभोक्त देखि उपभोक्त शैलीमा सेवा सञ्चालन गर्दछ। जनवरी २०१३ मा, केमुले रोकेट इण्टरनेटबाट प्रथम चरणको कोषमा अज्ञात रकम प्राप्त गरेको थियो जसले गर्दा यसले नाइजेरिया र पाकिस्तानमा सेवा सञ्चालन गरेको थियो। सेवा सञ्चालनको नौ महिना यसले घाना र मोरक्कोमा सेवा विस्तार गरेको थियो।

जुन २०१५ सम्म, केमुको सञ्चालनमा मोजाम्बिक , बङ्गलादेश, नेपाल, म्यानमार, स्लोभेनिया, श्रीलङ्का, बुल्गेरिया, उज्बेकिस्तान, र फिलिपिन्स सम्मिलित भएका थिए।

केमुले ३७ देशहरूमा सेवा सञ्चालन गर्दछ जसमध्ये १७ अफ्रिका मुलुकहरू हुन् भने बाँकी युरोपेली र एसियाली मुलुकहरू हुन्।

केमुले हाल निम्नलिखित देश तथा क्षेत्रहरूमा सेवा सञ्चालन गर्दछ:

१) अफ्रिका: अल्जेरिया, एङ्गोला, क्यामेरून, इथियोपिया, गाबोन, घाना, आइभोरी कोष्ट, केन्या, मोरक्को, मोजाम्बिक, नाइजेरिया, रुवान्डा, सेनेगल, ताञ्जानिया, ट्युनिसिया, युगाण्डा र जाम्बिया।

२) एसिया तथा मध्य पूर्व: अजरबैजाज, बङ्गलादेश, कम्बोडिया, म्यानमार, नेपाल, पाकिस्तान, फिलिपिन्स, साउदी अरब, श्रीलङ्का र उज्बेकिस्तान

३) युरोप: अल्बानिया, बोस्निया र हर्जगोभिना, बुल्गेरियन, बेलारूस, क्रोएसिया, जर्जिया, स्लोभाकिया र स्लोभेनिया।

सन् २०१६ मा केमु अफ्रिकामा जुमियामा रूपान्तरण भएको थियो।

लगानीकर्ताहरू

रकेट इण्टरनेटका प्रमुख कार्यकारी अधिकृत ओलिभर सामवरले आफ्नो कम्पनीलाई इण्टरनेट कम्पनीहरू निर्माणकर्ताको रूपमा वर्णन गरेका छन्। रकेट इण्टरनेटले अफ्रिका इण्टरनेट समूह मार्फत अफ्रिकाको सबै व्यापारिक मामिलाहरूको निरीक्षण गर्दछ जसले रकेट इण्टरनेट, एमटिएन र मिलिकम बीच स्वामित्व साझा गरेको छ।

विवादहरू

केमु, रकेट इण्टरनेटद्वारा समर्थित कम्पनीहरूको सूचीमा सम्बन्धित छ। यसले अन्य यस्तै वेबसाइटहरूका ढाँचाहरूको प्रतिलिपि गरेका कारण यसलाई आलोचित गरिएको थियो।

पुरस्कारहरू

अनलाइन खुद्रा पुरस्कार (लण्डन, सन् २०१४)

बाह्य कडीहरू

• आधिकारिक वेबसाइट