अमर न्यौपाने

अमर न्यौपाने एक प्रख्यात नेपाली साहित्यकार हुन्। आख्यानकार न्यौपानेले वि.सं. २०६८ सालको मदन पुरस्कार पाएका हुन्। उनको पहिलो कृति पानीको घाम वि.सं. २०६६ मा प्रकाशित भएको थियो जुन कृतिले उनले पद्मश्री पुरस्कार प्राप्त गर्न सफल भएका थिए। उनको वि.सं. २०६८ मा प्रकाशित सेतो धरती उपन्यासले वि.सं. २०६८ को मदन पुरस्कार प्राप्त गर्न सफल भएको थियो। उनले वि.सं. २०७२ मा शिक्षासम्बन्धी उपन्यास करोडौँ कस्तुरी प्रकाशनमा ल्याएका थिए। उनले आफ्नो पछिल्लो कृति गुलाबी उमेर वि.सं. २०७६ मा प्रकाशित गरेका थिए। उनको यो उपन्यास किशोरीको मनोविज्ञानमा आधारित कृति हो। कसरी किशोरीहरूको शारीरिक तथा मानसिक विकास हुन्छ र कसरी उनीहरूको शरीर र व्यवहारमा परिवर्तन हुँदै जान्छ भन्ने कुरा उनले यस पुस्तकमा लेखेका छन्। उनले यस उमेर समूहलाई गुलाबी उमेर भनेर नामाङ्कन समेत गरेका छन्।

अमर न्यौपाने
जन्म	चितवन, नेपाल
पेशा	साहित्य
भाषा	नेपाली
राष्ट्रियता	नेपाली
उल्लेखनीय कार्यहरू	सेतो धर्ती, पानीको घाम, करौडौँ कस्तुरी, गुलाबी उमेर
उल्लेखनीय पुरस्कारहरू	मदन पुरस्कार २०६८

गुलाबी उमेर उपन्यास विमोचनमा लेखक कृष्ण धरावासी र नायिका केकी अधिकारीसँग

जीवनी

नेपाली भाषाका साहित्यकार अमर न्यौपानेको जन्म वि.सं. २०३४ सालमा चितवन जिल्लाको रंगीला भन्ने स्थानमा पिता एकनाथ न्यौपाने र माता हरिमाया न्यौपानेका दोस्रो सन्तानका रूपमा भएको थियो। उनको पहिलो कृति पानीको घाम नामक उपन्यास वि.सं. २०६६ मा प्रकाशित भएको थियो। यस कृतिले २०६६ सालको पद्मश्री साहित्य सम्मान प्राप्त गरेपछि उनी नेपाली साहित्य जगतमा चिनिएका हुन्। उनको अर्को उपन्यास सेतो धरतीले वि.सं. २०६८ सालको मदन पुरस्कार प्राप्त गरेपछि उनको चर्चा एकाएक चुलियो। न्यौपाने चितवनका स्थायी बासिन्दा हुन्।

‍‍

लेखनशैली

"भगवानलाई पनि पाप लाग्ने भए सबैभन्दा धेरै पाप उनैलाई लाग्थ्यो होला ।"

अमर न्यौपाने, सेतो धरती

कृति

• पानीको घाम (उपन्यास, वि.सं. २०६६)
• कलिलो मन (बालकथा सँग्रह, वि.सं. २०६७)
• सेतो धरती (उपन्यास, वि.सं. २०६८)
• करोडौं कस्तूरी (उपन्यास, वि.सं. २०७२)
• गुलाबी उमेर (उपन्यास, वि.सं. २०७६)

पुरस्कार

• उनले सेतो धरती नामक ग्रन्थका लागि वि.सं. २०६८ सालको मदन पुरस्कार पाए ।
• उनको पहिलो कृति पानीको घामले वि.सं. २०६६ सालको पद्मश्री साहित्य सम्मान
• बालकथा सँग्रह कलिलो मनले वि.सं. २०६७को पारिजात बालसाहित्य पाण्डुलिपी पुरस्कार प्राप्त गरेको थियो ।

बाह्य कडीहरू

• मदन पुरस्कार गुठी
• अमर न्यौपानेद्वारा लेखिएका पुस्तकहरू
• राम्रो पुरस्कारका लागि दाह्री-कपाल फुलाउनु परेन वेब्याक मेसिन अभिलेखिकरण २०१३-०४-२५ मिति