हच (श्रीलङ्का)
हच (सिन्हाला: හච් ; तमिल: ஹட்ச்) श्रीलङ्काको एक मोबाइल दूरसञ्चार कम्पनी हो जुन हचिसन एसिया टेलिकम समूहको स्वामित्वमा रहेको छ । यसले श्रीलङ्कामा जीएसएम र एचएसपीए सेवाको एक शृङ्खला प्रदान गर्दछ । प्रारम्भमा यसलाई "कललिङ्क" भनिन्थ्यो र श्रीलङ्कामा दोस्रो मोबाइल सेवा सञ्चालक थियो । हचिसनले सन् १९९८ मा श्रीलङ्कामा राष्ट्रव्यापी सञ्चालक उद्देश्यमा आफ्नो सेवाहरू सञ्चालन गरेको थियोे । अप्रिल २०१० को अनुसार, हचले सम्पूर्ण टापुको लगभग ७०% को क्षेत्रमा सेवा सञ्चालन गरेको छ । यसको मालिक कम्पनी (सिके हचिसन कम्पनी) ५० भन्दा बढी देशहरूमा आफ्नो सेवा सञ्चालन गरेको छ र बिश्वब्यापी रूपमा २,९०,००० भन्दा अधिक कर्मचारीहरू छन् । सीके हचिसननले पाँच वटा मुख्य व्यवसायहरू सञ्चालन गरेको छ जसमा बंदरगाहहरू र सम्बन्धित सेवाहरू, खुद्रा, पूर्वाधार, ऊर्जा र दूरसञ्चार सेवा सञ्चालन गरेको छ । कम्पनी १९९६ मा स्थापित गरिएको थियोे भने यसको मुख्यालय श्रीलङ्काको राजधानी कोलम्बोमा अवस्थित छ । कम्पनीका हालका कार्यकारी अधिकृत थिरूकुमार नदरासा हुन् । यो टेलिकम निजी कम्पनीको रूपमा स्थापित भएको थियोे ।
 | |
| हच | |
मौलिक नाम | හචිසන් ටෙලිකොමියුනිකේෂන්ස් ලංකා (ප්රයිවට්) ලිමිටඩ්, ஹட்சிஷன் டெலிகொமினிகேஷன் லங்கா (பிரைவட்) லிமிடட் |
व्यवसाय प्रकार | निजी |
| उद्योग | दूरसञ्चार |
| स्थापित | १९९१ कोलम्बो, श्रीलङ्का |
| केन्द्रीय कार्यालय | कोलम्बो ०४, श्रीलङ्का |
मुख्य व्यक्ति | थिरूकुमार नदरासा (कार्यकारी अधिकृत) |
| उत्पादनहरू | टेलिफोन, मोबाईल ब्रोडब्यान्ड |
| मूल सङ्गठन | हचिसन एसिया टेलिकम समूह |
| वेबसाइट | हच.एलके |
हचिसन दूरसञ्चार लङ्का, हचिसन एसिया दूरसञ्चार सदस्य हो जुन इन्डोनेशिया, भियतनाम र श्रीलङ्काका बजारहरूमा मोबाइल दूरसञ्चार सेवा सञ्चालनहरू गर्दछ । हचिसन एसिया दूरसञ्चार, सीके हचिसन होल्डिंग्सको एक प्रमुख भाग हो जसमा अस्ट्रिया, डेनमार्क, हङकङ, इन्डोनेशिया, आयरल्यान्ड, इटाली, मकाउ, स्विडेन र संयुक्त अधिराज्यमा गरी ३ समूह रहेका छन् जसले ३ जी सेवा सञ्चालन गरेका छन् ।
हचिसन दूरसञ्चार लङ्का (प्रा) लि (हचिसन टेलिकम लङ्का)ले सन् २००४ मा आफ्नो जीएसएम सेवा सुरू गरेको थियोे । यो एक देशव्यापी रूपमा मोबाइल दूरसञ्चार प्रदायक हो । यसले २०१२ मा ३ जी प्रविधि सुरु गरेको थियोे, जसका अनुसार हाल सबै २५ जिल्लामा ३ जी सेवा आइपुगेको छ ।
प्रतिस्पर्धा
सम्पादन गर्नुहोस्हच श्रीलङ्कामा एक प्रमुख दुरसञ्चार सेवा प्रदायक हो । यसका मुख्य प्रतिस्पर्धीहरू: डायलग, मोबिटेल, एटिसलात र एयरटेल हुन् ।
प्रविधि
सम्पादन गर्नुहोस्हच श्रीलङ्काले ९००/१८०० मेगाहर्जको प्रयोग गरेर जीएसएम / एज समर्थित नेटवर्क सञ्चालन गर्दछ । सन् २०१२ मा कम्पनीले २१०० मेगाहर्ज प्रयोग गरी एचएसपीए सेवाहरू सञ्चालन गरेको थियोे । कम्पनीले सन् २०१८बाट १८०० मेगाहर्ज बी ३ मार्फत ४ जी सेवा सुरू गरेको थियोे ।[१]
सन्दर्भ सामग्री
सम्पादन गर्नुहोस्- ↑ "हचले ४ जी सेवा सुरू गरेको छ", रिडमी, अन्तिम पहुँच १६ नोभोम्बर २०१८।