राधा पौडेल

राधा पौडेल (जन्म: वि.सं. २०३०) नेपालकी एक महिला साहित्यकार तथा सामाजिक अभियन्ता हुन् । उनको मुख्य पेसा नर्सिङ हो। आफूले भोगेका, देखेका कुरा डायरीमा टिपोट गर्ने उनको बानीले नै उनलाई लेखक बनाएको हो। उनी मर्यादित महिनावारी अभियानमा पनि सक्रिय छिन्।

राधा पौडेल Radha Paudel
राधा पौडेल, नर्वे भ्रमणको समयमा
पेशा	साहित्य
भाषा	नेपाली
राष्ट्रियता	नेपाली
उल्लेखनीय कार्यहरू	साहित्यिक कृति
उल्लेखनीय पुरस्कारहरू	मदन पुरस्कार २०७१

प्रकाशित कृति

खलंङ्गामा हमला-एउटी नर्सको डायरी उनको पहिलो कृति हो । यसै कृतिका लागि उनलाई विसं २०७१ मा मदन पुरस्कार प्रदान गरिएको थियो । कामका सिलसिलामा जुम्लाको खलङ्गा पुगेकी उनले द्वन्द्वकालका नमीठा घट्नासँग पनि सामना गर्नुपर्‍यो । यो कृति २०५९ सालमा खलङ्गामा तत्कालीन सशस्त्र संघर्षकालमा नेकपा माओवादीले गरेको हमलाकै बेलाको दस्तावेज हो । उनको अपवित्र रगत पुस्तक (२०७५) पनि प्रकाशित छ । महिनावारीमा केन्द्रित यस किताबमा उनले आफ्नो अनुभवबाट सुरू गर्दै विभिन्न ठाउँका कथा सँगालेकी छन्।

पुरस्कार

विसं २०७१ः मदन पुरस्कार