मुक्तिनाथ मन्दिर (पनौती)

मुक्तिनाथ मन्दिर पनौती, काभ्रेपलाञ्चोक जिल्लाको एउटा हिन्दू मन्दिर हो। यस मन्दिर मुस्ताङमा रहेको मुक्तिनाथमा तीर्थयात्रीमा जान नसक्ने बच्चाहरू, बूढाबूढी र अशक्तहरूका लागि यो मन्दिर स्थापना भएको हो। मुक्तिनाथ मन्दिरको स्थापना वि.सं आश्विन २०७८ सालमा भएको हो।

मुक्तिनाथ मन्दिर
बागमती प्रदेशको नक्साभित्र स्थान मुक्तिनाथ मन्दिर (पनौती) (नेपाल)
प्राथमिक विवरण
स्थान:	बाँसघारी, पनौती
निर्देशाङ्क	२७.५९६६५०२०१८६३६९२°N ८५.५२१६३५५०३८९८५८°E / 27.596650201863692; 85.52163550389858
सम्बन्धन	हिन्दुत्व
देवता	विष्णु
जिल्ला	काभ्रेपलाञ्चोक
प्रदेश	बागमती प्रदेश
देश	नेपाल
वास्तुकला विवरण
निर्माता	वागमती प्रदेश र पनौती नगर सरकार
स्थापित मिति	वि.सं आश्विन २०७८

इतिहास

पनौतीको मुक्तिनाथ मन्दिर मुस्ताङमा रहेको मुक्तिनाथ मन्दिरको प्रतिकृति हो र यस मन्दिरमा मुस्ताङकै मुक्तिनाथ जस्तो पूजा विधि हुन्छ। त्यहाँको कमलनयनाचार्यबाट अनुमति लिएर मन्दिर निर्माण काम सुरु भएको थियो। मुक्तिनाथ जान नसक्ने बच्चाहरू, बूढाबूढी र अशक्तहरूका लागि यो मन्दिर स्थापना भएको हो। मन्दिर निर्माण गर्न कुल रकम बागमती प्रदेश र पनौती नगरपालिका सरकारबाट २५/२५ लाख, चन्दा र महायज्ञबाट १ करोड ६७ सङ्कलन गरिएको थियो। निर्माणका क्रममा १ करोड ५९ लाख मात्रै खर्च भएको थियो। २०७४ साल असोज ४ गते मन्दिरको शिलान्यास भएको थियो र ४ वर्ष पछि निर्माण काम सकियो।