प्रसाद दाना

प्रसाद दाना, जसलाई अलैंची दाना, गोल दाना, नकुल दाना वा तारासारी पनि भनिन्छ, एउटा गोलो आकारको चिनी हालेर बनाइएको मिठाई हो। यो विशेष गरी हिन्दू धर्मका धार्मिक स्थलहरूमा देवी–देवताहरूलाई चढाउन प्रयोग गरिन्छ। यो प्रसादको रूपमा नेपाल तथा भारतका धार्मिक स्थलहरूमा चढाइने गरिन्छ। यसलाई साधारण बोलीचालीको भाषामा प्रसाद पनि भनिन्छ। यसलाई अङ्ग्रेजीमा 'मिमोसा सुगर बल्स' भनिन्छ।

प्रसाद दाना तिलको लड्डुहरूको बीचमा

बनोट

यो चिनीलाई पगालेर अनि फेरि जमाएर बनाइन्छ। यो गोल आकारको हुन्छ। यो एकदमै गुलियो हुन्छ। यो प्राय: सेतो रङको हुन्छ तर खाने रङ प्रयोग गरेर अन्य रङको प्रसाद दाना पनि बजारमा पाइन्छ।