नारद पोखरी

नारद पोखरी गोरखा जिल्लामा अवस्थित पोखरी हो । प्रशिद्द गाउँ बार्पाकबाट करिब १९ किलोमिटर उत्तरमा बुद्ध हिमालको काखमा रहेको यो पोखरी १३,५०० फिट उचाईमा अवस्थित छ । यो पोखरीमा प्रत्येक वर्ष जनै पूर्णीमाका दिन ठूलो मेला लाग्ने गर्दछ ।

नारद पोखरी
गूगल अर्थबाट देखिएको नारद पोखरी
रहेको स्थान	गोरखा जिल्ला
भौगोलिक निर्देशांक	२८.३३६७१९२°N ८४.७१७२९२८°E / 28.3367192; 84.7172928
अन्तर्वाह	unknown
सिंचित क्षेत्र	नेपाल
अधिकतम लम्बाई	किलोमिटर
अधिकतम चौडाई	किलोमिटर
सतहको क्षेत्रफल	वर्ग किलोमिटर
अधिक गहिराई	मिटर
पानीको आयतन	घन किलोमिटर
सतहको उचाई	१३,५०० फिट (४,१०० मी)

जनैपुर्णिमाको अवसरमा गोरखाको वारपाक गाउँ विकास समितिको माथिल्लो क्षेत्रमा पर्ने नारद पोखरीमा ठुलो मेला लाग्ने गर्छ । नारद पोखरी कुन गाविसमा पर्छ भन्ने विषयमा भने एकमत पाइदैन । वारपाक वासिले वारपाक गाविसको वडा नम्बर ४ मा पर्ने दावी गरेका छन्। भने केहीले उहिया गाविसमा पर्ने पनि बताएका छन् । यस विषयमा सरकारी निकायबाट स्पष्ट जानकारी आउन सकेको छैन । तर सो पोखरी जाने एकमात्र सजिलो बाटो वारपाक गाउँ भएर जाने नै हो । विभिन्न कारणले गाउँ छाडेका र वसाइ सरेर अन्यत्र गएकाहरु पनि जनैपुर्णिमाको बेला भने मेला भर्न आइपुग्छन् । जनैपुर्णिमामा पोखरीमा नुहाएमा विभिन्न छालाका रोगहरु दीर्घरोगहरु निको हुने र मागेको वर पाइने विश्वासले गोरखाको वारपाक लाप्राक सिम्जुङ मुच्चोक श्रीनाथकोट जौवारी स्वाँरा सौरपानी लगायतका गाविसबाट ४ सय भन्दा बढी तीर्थयात्रीहरु हरेक वर्ष पोखरीमा पुग्ने गर्छन् । साउन महिनामा जनैपुर्णिमा परेको वर्ष पोखरीमा नुहाउन जानेहरूको भीड अझै बढी हुन्छ । साउनमा पोखरी जाँदा लेक नलाग्ने विभिन्न मनमोहक फूलको दृश्य हेर्न पाइने हुनाले पनि मानिसहरु भदौ महिनामा भन्दा साउनमा जनैपुर्णमा परेको वर्ष धेरै जाने गर्छन् । जनैपुर्णिमाको अवसरमा पोखरी पुग्नेहरूले विहान नुहाइ धुवाइ गरी विशेष मन्त्रले पुजा गरिएको जनै र डोरो बाधेर पुजाआजा गरी भगवानसंग वर माग्ने गर्छन् । त्यहा गएर मागेको सबै बर पुरा हुने विश्वास समेत गरिन्छ । पोखरीमा तीर्तयात्रीहरु ५१ सालदेखि मात्रै जान थालेका हुन् । थोरै रूपमा मानिसहरु जाने आउने गरेपनि कसैले चासो देखाएका थिएनन् पछि सबैले जानुपर्छ भन्ने विश्वास गरे वारपाकका पुरबहादुर घलेले बताए । वारपाकीहरु सबै एक पटक नारद पोखरी पुग्ने गरेका छन् । घर कुर्ने र नावालक बाहेक सबै नुहाउन जान्छनू उनले भने । पोखरी क्षेत्रमा प्रायजसो तीर्थयात्रीहरु अघिल्लो दिन साँझनै पुगिसकेका हुन्छन् । अघिल्लो दिन पुगेकाहरु रातभर गीत गाएर रमाइलो गरी बस्छन् । वस्तीदेखि निकै टाढा रहेकाले सुत्ने ठाउँको अभाव पनि छ । त्यसैले जनैपुर्णिमाको अघिल्लो रात युवायुवतीहरु रातभर दोहोरी गाएर बस्छन् । नारद पोखरी निकै प्रसिद्ध तीर्थस्थल भएपनि प्रचार प्रसारको अभावमा पछाडी परेको वारपाक महिला समाजकी संयोजक दलकुमारी घलेले बताइन् । पोखरीको प्रचार प्रसारका लागि सकि्रय भइ लागि परेका महिलाहरूको टोली यसवर्ष नारद पोखरी पुगेको छ । उनीहरूले नारद पोखरीको यथार्थ कुरा वाहिर ल्याउन सकेमा दुधपोखरी गोसाइकुण्ड भन्दा नारद पोखरी कम महत्त्वको नभएको दावी गरेका छन् । नारद पोखरीको अर्को महत्त्वपुर्ण आकर्षण पोखरी जाने वाटोमा पाइने प्राकृतिक सुन्दरता हो । सो ठाउँमा विभिन्न मनमोहक र वास्नादार फूलहरु पाइन्छ । अन्य ठाउँमा नपाइने गोरखाली फूल पनि सो ठाउँमा देख्न सकिन्छ । अरु ठाउँमा नपाइने र गोरखामा मात्रै पाइने भएकाले पनि सो फूलको नाम गोरखाली फूल राखिएको स्थानियहरूले बताउँछन् । नारद पोखरी जाने समयनै जनैपुर्णिमाको बेला हो । उक्त समयमा वारपाकीहरूको भेडा नारद पोखरीको लेक वरपरनै चराउन लैजाने गरिन्छ । भेडीगोठ र विभिन्न चराचुरुङ्गीहरूको अवलोकन गर्दै नारद पोखरी पुग्न सकिने संयोजक घलेले बताइन् ।

नारद पोखरी जाने बाटो गोरखा सदरमुकामबाट नारद पोखरी ४ दिनमा पुग्न सकिन्छ । सदरमुकामबाट श्रीनाथकोटको भालुस्वाँरासम्म वसमा गएपछि विस्तारै हिडेर जाँदा पहिलोरात सिम्जुङको वालुवामा वास वस्न सकिन्छ । भोलीपल्ट विहानै उठेर हिडेपछि विभिन्न झरना र खोलाहरु हेर्दै खाना खान वारपाक गाविसकै वडा नम्बर २ मान्द्रेमा पुगिन्छ । त्यसपछिको एक घण्टाको पैदल यात्रामा वारपाक गाउँ पुगिन्छ । वारपाकीहरूको स्वागत सत्कार संगै गहुँको केक र मकैको सेलको स्वाद लिदै वारपाक वसेपछि तेश्रो दिन वास वस्न पैचे लेक पुगिन्छ । फुस्रद भएमा एकदिन बारपाक नै बस्नु राम्रो हुन्छ । त्यहाँको घले संस्कृति र गाउँका विभिन्न विशेषताले २/४ दिन वारपाकमा नै अलमलिन अफ्ठेरो हुने छैन । वारपाकदेखि माथि जाँदा खानेकुराहरु साथमै लिएर जानु राम्रो हुन्छ । चामल र तरकारीहरु लिएर गएमा भेडी गोठमा भेटिने गोठालाहरूले पनि खाना बनाउन सहयोग गरिदिन्छन् । चिसो मौसम र मानव वस्ती नभएकाले सुत्नको लागि आफैले आवश्यकता अनुसारको न्यानो कपडा लिएर जानु राम्रो हुन्छ । चौथो दिन विहान हिडेपछि समयमै पोखरी पुग्न सकिन्छ । पोखरीको छेउमा वारपाकीहरूले काठमाडौ लगायत देशका विभिन्न शहरमा मारुनी नाच देखाएर आर्जन गरेको पैसाले निर्माण गरेको एउटा भवन छ । त्यसमा आराम गर्न पनि पाइन्छ । तर धेरै तीर्थालुहरु भएको बेला समस्या पनि हुन्छ । नारद पोखरी पुग्न नसक्नेहरु बाटोमा रहेका साना पोखरीहरूमा नुहाएर पनि फर्कने गरेको स्थानियहरु बताउँछन् । बाटाको पोखरीमा नुहाउँदा पनि उत्तिकै पुण्य मिल्ने उनीहरूको भनाइ छ । सो ठाउँको प्रचारका लागि वारपाकी महिलाहरू सरकारी तथा गैह्र सरकारी सङ्घ संस्थाहरूको सहयोगको आश गरेका छन् । गोरखाको उत्कृष्ट पर्यटकीय गन्तब्यको रूपमा विकास गर्न सकिने यो पोखरीको प्रचारमा सबैको ध्यान जाओस् ।