त्रिभुवन विश्वविद्यालय अन्तर्राष्ट्रिय क्रिकेट मैदान

त्रिभुवन विश्वविद्यालय अन्तर्राष्ट्रिय क्रिकेट मैदान
	क्रिकेट मैदान
मैदानको जानकारी
स्थान	कीर्तिपुर, वाग्मती प्रदेश, नेपाल
निर्देशाङ्क	२७°४०′४१″उ ८५°१७′२५″पू / 27.67806°N 85.29028°E
स्थापना	१९९८
क्षमता	२०,०००+
स्वामिव	त्रिभुवन विश्वविद्यालय
सञ्चालक	नेपाल क्रिकेट सङ्घ
ठेकेदार	नेपाल राष्ट्रिय क्रिकेट टिम ; नेपाल राष्ट्रिय अन्डर-१९ क्रिकेट टिम
	इन्डको नाम
	पभेलियन इन्ड; चोभार इन्ड
अन्तर्राष्ट्रिय खेलबारे जानकारी
प्रथम एक दिवसीय	५ फेब्रुअरी २०२०: नेपाल v ओमान
अन्तिम एक दिवसीय	१२ फेब्रुअरी २०२०: नेपाल v संयुक्त राज्य अमेरिका
प्रथम टि-ट्वान्टीआई	५ डिसेम्बर २०१९: नेपाल v भुटान
अन्तिम टि-ट्वान्टीआई	९ डिसेम्बर २०१९: नेपाल v माल्दिभ्स
घरेलु टिमको जानकारी
	नेपाल राष्ट्रिय क्रिकेट टिम (१९९८ -)

त्रिभुवन विश्वविद्यालय अन्तर्राष्ट्रिय क्रिकेट मैदान काठमाडौँको कीर्तिपुरमा रहेको अन्तर्राष्ट्रिय क्रिकेट मैदान हो।

इतिहास

सन् १९९६ मा अन्तर्राष्ट्रिय क्रिकेट परिषदबाट एसोसिएट सदस्य राष्ट्रको सूचीमा सूचीकृत भएपछि मात्र नेपालमा क्रिकेट खेलले व्यवसायिकता पाउन थालेको हो।^[१] एसोसिएट सदस्यको रूपमा मान्यता पाएको दुई वर्ष पछि नेपालले एसिसी ट्रफी आयोजना गर्ने जिम्मा पायो। नेपालमा सो समयमा एउटापनि अन्तर्राष्ट्रिय स्तरको क्रिकेट मैदान नभएको अवस्थामा भारतीय टेलिभिजन जी टिभीले नेपालमा क्रिकेट मैदानको निर्माण गर्न चासो देखाएको थियो।^[२] मान्यता पाएपछि र आयोजना गर्ने समयावधिमा नेपाल क्रिकेट सङ्घ (क्यान) र त्रिभुवन विश्वविद्यालयबीच पाँच वर्षे सम्झौता भयो। वर्तमान समयमा क्यानले त्रिभुवन विश्वविद्यालयसँग सम्झौता नविकरण गर्दै मैदानलाई लिजमा सञ्चालन गरिहेको छ। सुरुआतमा मैदान फुटबल गतिविधि सञ्चालनका लागि प्रस्ताव भएपनि पछि मात्र क्रिकेट मैदान बनाउने निर्णय भयो र जी टिभीको लगानीमा मैदान निर्माण भयो^[३] र नेपालले एसिसी ट्रफी १९९८ प्रतियोगीता आयोजना गर्न सफल भएको थियो।

भौतिक संरचना

२० हजारभन्दा बढी दर्शक अटाउने क्षमता रहेको यस क्रिकेट मैदानमा आठ वटा पिच रहेको छ। अन्तर्राष्ट्रिय मान्यता पाएको यो मैदानमा पूर्वाधारको विकास अझै हुनसकेको छैन।^[४]