छुरिम शेर्पा

छुरिम शेर्पा कीर्तिमानी पर्वतारोही हुन्। उनले एक साताभित्र दुई पटक सगरमाथा आरोहण गरेर कीर्तिमान कायम गरेकी हुन्। छुरिमले वि.सं. २०६९ वैशाख ३० र जेठ ६ गते (सन् २०१२ मे १२ र १९) गरी दुई पटक सगरमाथा शिखर (८ हजार ८ सय ४८ मिटर)मा पाइला टेकेकी हुन्।

छुरिम शेर्पा
जन्म	सन् १९८४ लेलेप- ९ ताप्लेजुङ नेपाल
राष्ट्रियता	नेपाली
अन्य नाम	छुरिम
पेशा	पर्वतारोही
चिनारीको कारण	एकै हप्तामा दुई पटक सगरमाथा आरोहण गर्ने पहिलो महिला।

सगरमाथा शिखरमा पुग्ने उनी २१ औँ नेपाली महिला हुन्।

जीवनी

उनी ताप्लेजुङको घुन्सा-१, लेलेपमा जन्मेकी हुन्। उनी डुन्डु शेर्पा र लाटेन शेर्पाकी काहिँली छोरी हुन्। पाँच दिदीबहिनी र तीन दाजुभाइसँगै हुर्केकी उनले आठ कक्षासम्म पढेकी छन्।

सम्मान

एक सातामा दुई आरोहणका लागि उनलाई गिनिज बुकमा दर्ता गरिएको छ। शेर्पालाई फेब्रुअरी २५मा गिनिज बुक अफ वर्ल्ड रेकर्डको प्रमाण-पत्र काठमाडौंमा प्रदान गरियो। त्यस्तै नेपाल सरकारको युवा तथा खेलकुद मन्त्रालयले राष्ट्रिय युवा प्रतिभा सम्मान दियो।

बाहिरी लिङ्कहरू

• कीर्तिमानी छुरिम
• युवा तथा खेलकुद मन्त्रालयको सूचना
• छुरिमको छलाङ वेब्याक मेसिन अभिलेखिकरण २०१३-०३-२९ मिति