करुण थापा

करुण थापा (जन्म:१९६५ मार्च २३) एक नेपाली आईटी विज्ञ, फिल्म सम्पादक, थ्रीडी एनिमेटर, ट्रेनर (प्रशिक्षक), ए प्रख्यात गीतकार र गजल लेखक हुन्। करुण नेपाली आईटी र मेडिया उद्योगमा प्राविधिक योगदानका लागि परिचित छन्। उनले कम्प्युटरमा देवनागरी फन्टहरू ल्याएर, नेपालमा एवीआईडी डिजिटल फिल्म सम्पादन प्रणाली शुरू गर्दै र नेपालमा थ्रीडी एनिमेसन प्रस्तुत गरेर योगदान गरेका छन्।

करुण थापा
चित्र:Karun-Thapa-Photo.jpg Karun Thapa
जन्म	बि संम २०२२ बेनी, म्याग्दी, नेपाल
पेशा	सुचना प्रविदी व्यक्तित्व, चलचित्र सम्पादक, थ्रीडी एनिमेटर, प्रशिक्षक, गीतकार, Consultant, Coach
कार्यकाल	सन् १९८६-हालसम्म
जीवनसाथी	छिरिङ लामा (सरिता थापा)
सन्तान	पुर्णिमा, स्वीकृति, सुहानी थापा

करुण थापाको जन्म १९६५ (बि.सं २०२२) बेनी बजारमा भएको थियो। करुणले उनको गाउँको स्कूल धौलागिरि स्कूलमा कक्षा ३ सम्म पढाइ भयो । उनी छात्रवृत्ति परीक्षामा म्याग्दी जिल्लामा पहिलो स्थानमा आए, छात्रवृत्ति पाए र काठमाडौंको बुढानिलकण्ठ स्कूल गए। बुढानीलकण्ठ स्कूलबाट माध्यमिक पूरा गरेपछि करुण थापाले अमृत साइन्स कलेज (अस्कल ) मा विज्ञानमा प्रविणता तह र प्रियदर्शिनी कलेजबाट कम्प्युटर विज्ञानमा स्नातक पूरा गरे ।

करियर

करुण थापाले आफ्नो क्यारियर सफ्टवेयर डेभलपर र कम्प्युटर ट्रेनर (प्रशिक्षक)को रुपमा शुरू गरे। उनले होटल, बैंक, व्यवसायिक कम्पनीहरू इत्यादिका लागि व्यवसाय सफ्टवेयर बनाउन थाले र सन् १९८८ मा कम्प्युटर प्रशिक्षण इन्स्टिच्युट स्थापना गरे।

थापा एपल र एप्पल म्याकोन्टोश कम्प्युटरमा नेपाली (देवनागरी) फन्ट विकास गर्ने पहिलो व्यक्ति हुन्। यूनेस्कोले थापालाई प्राकृतिक भाषा प्रशोधनको एशियाली संघ (एआइ टि, बैंकक)मा सहभागी हुन र सूचना प्रविधि र अखबार प्रकाशन (११-१४ अप्रिल १९९५ , मद्रास) सम्बन्धि एशिया प्यासिफिक क्षेत्रीय सेमिनारमा सहभागी हुन मनोनोत गर्यो । उनले १९९४ मा लिम्बु (श्रीजंगा) लिपि र राई ( वम्बुले लिपि ) पनि विकास गरे। (जेआर सुब्बा) को हिस्ट्री, कल्चर एण्ड कस्टम अफ सिक्किम नामको पुस्तकको इतिहास खण्डमा उनको नाम उल्लेख गरिएको छ। थापाले नेपालमा थ्रीडी एनिमेसन सुरु गरे र उनी नेपालमा पहिलो थ्रीडी एनिमेटर हुन्।

करुण थापाले नेपालमा ए.भि.आइ.डी. फिल्म सम्पादन र डिजिटल सिनेमा प्रवेश गराए ।