कम्प्युटर सुरक्षा

कम्प्युटर सुरक्षा, साइबर सुरक्षा वा सूचना प्रविधि सुरक्षा भनेको कम्प्युटर प्रणाली र नेटवर्कको हार्डवेयर, सफ्टवेयर, वा इलेक्ट्रोनिक डेटाको सूचना प्रकटीकरण, चोरी, वा क्षति, साथै उनीहरूले प्रदान गर्ने सेवाहरूको अवरोध वा गलत प्रयोगबाट दिइने सुरक्षा हो।

कम्प्युटर सुरक्षाका अधिकांश पक्षहरूमा डिजिटल उपायहरू जस्तै इलेक्ट्रोनिक पासवर्ड र गुप्तिकरण समावेश भए तापनि भौतिक सुरक्षा उपायहरू जस्तै धातु लकहरू अझै पनि अनधिकृत छेडछाड रोक्न प्रयोग गरिन्छ।

कम्प्युटर प्रणाली, इन्टरनेट, ब्लुटुथ र वाइ-फाई जस्ता ताररहित नेटवर्क मानकहरूमा विस्तारित निर्भरताको कारण र स्मार्टफोन, टेलिभिजन, र इन्टरनेट अफ थिङ्स (आइओटी) गठन गर्ने विभिन्न उपकरणहरू सहित स्मार्ट उपकरणहरूको वृद्धिको कारण यो क्षेत्र महत्त्वपूर्ण मानिन्छ। राजनीतिक प्रयोग र प्रविधि दुवै हिसाबले सूचना प्रणालीको जटिलताका कारण साइबर सुरक्षा समकालीन विश्वमा महत्त्वपूर्ण चुनौतीहरूमध्ये एक हो। यसको प्राथमिक लक्ष्य प्रणालीको निर्भरता, अखण्डता र डेटा गोपनीयता सुनिश्चित गर्नु हो।