कनिका कपूर

कनिका कपूर बलिउडको एक गायिका हुन् । यिनको जन्म २३ मार्च १९७८ मा लखनऊ, उत्तर प्रदेशमा भएको हो, वर्तमानमा उनी लण्डनमा बसोबास गर्छिन । उनिद्वारा गाइएको बेबी डल नामक गीत प्रसिद्ध भयो जसकारण उनलाई वर्ष २०१५ मा फिल्मफेयर सर्वश्रेष्ठ पार्श्व गायिका पुरस्कारले सम्मानित गरिएको हो । उनले आफ्नो करियर हिन्दी भाषी संगीत क्षेत्रमा सन् २०१२ मा गरेकी थिइन् ।

कनिका कपूर
कनिका कपूर सन् २०१४ मा
व्यक्तिगत विवरण
जन्म	लखनऊ, उत्तर प्रदेश, भारत
विधा	गायिका
सक्रिय वर्ष	२०११-वर्तमान

परिचय

कनिका कपूर पञ्जाबी तथा सुफी लोकगीतकी गायिका हुन् । रागिनी एमएमएस २ नामक चलचित्रमा उनको गीत बेबी डलले उनलाई प्रसिद्धी दियो जुन इन्टरनेटमा अति प्रसिद्ध भएको थियो । यस गीतमा सन्नी लियोन छिन्, तथा यस गीतको निष्काशन हुनु अगावै युट्युबमा १० लाख भन्दा बढी पटक हेरिएको थियो । उनले आफ्नो पाहिलो साङ्गीतिक भिडियो सन् २०१२ मा जारी गरेकी थिइन्, जुन डिआर ज्यूसद्वारा निर्मित थियो त्यस एल्बमको नाम जुगनी जी रहेको थियो, यो गीत अलाम लोहारको गीत जुगनीको हिप-हप अवतरण थियो जसको निर्माता लण्डनको गायक तथा संगीतज्ञ डिआर ज्यूस थिए । बेबी डलमा कनिकासँगै तीन सह-गायक पनि रहेका थिए जसको नाम हरमीत सिंह, मनमीत सिंह तथा अन्जान भट्टाचार्य हो तथा यो तिनै मिलेर मीत ब्रोज अन्जान भनेर चिनिन्छन् । सन् २०१५ मा रोय चलचित्रमा उनिद्वारा गाइएको चिट्टिया कलाईया पनि धेरै प्रसिद्ध भएको छ।