हरिप्रसाद रिमाल

सङ्गीतनाट्य शिरोभूषण हरिप्रसाद रिमाल (वि.सं. १९८२ साल असोज ५ गते - वि.सं. २०७५ साल भाद्र १५ गते) एक नेपाली अभिनेता, गायक र चलचित्र निर्देशक थिए । रेडियो नेपालको पहिलो गायकका रूपमा चिनिने रिमालले नेपालको पहिलो चलचित्र आमाबाट अभिनय सुरु गरेका थिए ।

हरिप्रसाद रिमाल
जन्म	वि.सं. १९८२ साल असोज ५ गते ललितपुर, नेपाल
मृत्यु	वि.सं. २०७५ साल भाद्र १५ गते (९२ वर्ष) बानेश्वर, काठमाडौँ, नेपाल
राष्ट्रियता	नेपाली
शिक्षा	दरबार हाई स्कुल
पेशा	अभिनेता चलचित्र निर्देशक गायक गीतकार

वि.सं. २००७ साल चैत २० गते सालमा "मेरो दिल टुक्रा बनेर एक दिन, आँखाको बाटो भएर बहनेछ" बोलको शङ्कर लामिछानेका शब्दमा हरिप्रसाद रिमालकै स्वर र सङ्गीतमा रिमालले हार्मोनियम बजाएर गीत गएका हुनाले उनलाई रेडियो नेपालको प्रथम गायकका रूपमा दर्ता गरिएको छ । आमा चलचित्रबाट अभिनय सुरु गरेका रिमालले मनको बाँध, परिवर्तन, के घर के डेरा, सन्तान लगायतका चलचित्रमा अभिनय गरेका थिए ।

व्यक्तिगत जीवन

रिमालको जन्म वि.सं. १९८२ साल असोज ५ गते घनश्याम रिमाल र मोहन कुमारी रिमालको तेस्रो सन्तानको रूपमा ललितपुरको लगनटोलमा भएको थियो । उनका पिता गायनका लागि परिचित थिए भने उनका दाइहरू कवि थिए । श्वासनलीको सङ्क्रमणले ग्रस्त रिमालको वि.सं. २०७५ साल भाद्र १५ गते ९२ वर्षको उमेरमा बानेश्वर, काठमाडौँमा मृत्यु भयो ।

अभिनय

वर्ष	शीर्षक	टिप्पणी
वि.सं. २०२१	आमा	प्रथम नेपाली चलचित्र र रिमालको प्रथम चरित्र अभिनय
वि.सं. २०२८	परिवर्तन
वि.सं. २०३७	सिन्दूर
वि.सं. २०४२	के घर के डेरा
वि.सं. २०४४	सन्तान
वि.सं. २०४७	पिरती
वि.सं. २०५०	चोखो माया
वि.सं. २०५१	ज्वाला
वि.सं. २०५५	मनको बाँध

सम्मान

• भक्त राज आचार्य सङ्गीत प्रतिष्ठान