स्वतन्त्र उर्जा उत्पादकहरुको संस्था, नेपाल

स्वतन्त्र उर्जा उत्पादकहरुको संस्था, नेपाल (इप्पान ) नेपालका निजी विकासकर्ता तथा ऊर्जा उत्पादकहरूको सङ्घ हो। यो एक गैर-नाफामूलक, गैर-सरकारी स्वायत्त संस्था हो र सन् २००१ मा स्थापना भएको थियो। यसको मुख्य उद्देश्य जलविद्युत उत्पादनमा संलग्न निजी क्षेत्र र सरकारी संस्थाहरूलाई जोड्नु हो। इप्पान मुख्यतया एउटा सदस्यता सङ्गठन हो। साधारण सभामा संस्थागत र व्यक्तिगत दुवै सदस्यहरू हुन्छन्। साधारण सभाले सञ्चालक समिती चयन गर्छ, जसले सङ्गठनको योजना र नीतिहरू तयार गर्दछ।

Independent Power Producers Association

स्वतन्त्र उर्जा उत्पादकहरुको संस्था, नेपाल
सङ्क्षिप्त नाम	इप्पान
प्रकार	गैर-नाफामूलक, गैर-सरकारी संस्था
लक्ष्य	बिजुली उतपादन तथा वितरण
प्रधान कार्यालय	काठमाडौँ
अध्यक्ष	गणेश कार्की
मुख्य अङ्ग	संचालक समिति
वेबसाइट	https://www.ippan.org.np/

सन् २०२० सम्ममा, २१,००० मेगावाट उत्पादन गर्ने कुल क्षमताको साथ ५८० निजी जलविद्युत परियोजनाहरू सञ्चालनमा छन् वा निर्माणाधीन छन्। निजी क्षेत्रले यी परियोजनाहरूमा लगभग रु ६ खर्ब लगानी गरेको छ।

उद्देश्यहरू

• देशको जलविद्युत आवश्यकताको अधिकतम उपयोग गर्ने।
• निकट भविष्यमा देखा पर्ने ताजा पानी र ऊर्जा अभावको विश्वव्यापी सन्दर्भमा दीर्घकालीन राष्ट्रिय र क्षेत्रीय आवश्यकता पूरा गर्ने।
• जलविद्युत सम्बन्धी विभिन्न विचार र ज्ञान साझा र प्रसार गर्ने।
• जलस्रोत र जलविद्युतको विकासमा छलफलको लागि मञ्च सिर्जना गर्ने।
• विकासको गति बढाउन विशेषज्ञता र ज्ञानको साझेदारी मार्फत यस क्षेत्रको विकासमा नेपाल सरकारलाई सहयोग गर्ने।
• नेपाल सरकार र यस संस्था बीच मैत्रीपूर्ण सहयोगको वातावरण सिर्जना गर्ने।
• बिजुली प्रयोगकर्ताहरूसँग अनुकूल वातावरण विकास गर्ने।
• विकासको वातावरण सिर्जना गर्न विभिन्न उद्योग र जलविद्युत उद्योग बीच सम्पर्कको रूपमा कार्य गर्ने।

यो पनि हेर्नुहोस्

• विद्युत विकास विभाग
• नेपाल विद्युत प्राधिकरण