लाभांश

कम्पनीले आर्जन गरेको नाफाबाट आफ्ना सेयरधनी (लगानीकर्ता) लाई बाँड्ने नाफाको अंशलाई लाभांश भनिन्छ । लाभांश नगद र सेयर दुई किसिमबाट वितरण गरिन्छ ।

व्यावसायिक सङ्गठनको सञ्चालनको लागि आवश्यक पर्ने पूँजी अंशियारहरूबाट , पूर्वाधिकार सेयरधनी र ऋणदाताहरूबाट सङ्कलन गरिन्छ । सङ्गठनले आर्जन गरेको नाफाबाट सर्वप्रथम ऋणदाताहरूलाई व्याज र पूर्वाधिकार सेयरधनीहरूलाई लाभांश वितरण गरिन्छ । सङ्गठनका अंशियार अथवा साधारण सेयरधनीहरूलाई उक्त सङ्गठनको मालिक मानिन्छ, जसको शेष नाफामा मात्र अधिकार रहन्छ ।