राउधा आतिफ

राउदा आतिफ (१८ मे १९९६ – २९ मार्च २०१७) एक मालदिभीयाली भोग मोडल र मेडिकल विद्यार्थी थिइन् जसलाई बङ्गलादेशको राजशाहीमा आत्महत्याका कारण मृत्यु भएको भनेर बर्णन गरिएको थियो।

राउदा आतिफ
जन्म	(१९९६-०५-१८)१८ मे १९९६
मृत्यु	२९ मार्च २०१७(2017-03-29) (उमेर २०) राजशाही, बङ्गलादेश
मृत्युको कारण	आत्महत्या
राष्ट्रियता	माल्दिभियाली
पेशा	मोडल, मेडिकल विद्यार्थी
चिनारीको कारण	मोडल

जीवनी

राउदाले माल्दिभ्सको हिरिया विद्यालय र भिला अन्तर्राष्ट्रिय उच्च विद्यालयमा पढन पाठन गरेकी थिइन्। उनले १४ वर्षको उमेरमा माल्दिभियाली राष्ट्रिय टेलिभिजनमा एक वातावरण अभियान सञ्चालन गरेकी थिइन्। एक माल्दिभियाली फोटोग्राफरसँग तस्वीर खिचाएर सार्वजनिक गरेपछि उनी सन् २०१४ मा मालदिभ्समा परिचित बनेकी थिइन्। उनलाई अक्टोबर २०१६ मा भोग इण्डियाको आवरणमा प्रस्तुत गरिएको थियो। उनले बङ्गलादेशको राजशाही स्थित इस्लामी बेङ्क मेडिकल कलेजमा मेडिकल अध्ययन सुरू गरेकी थिइन्। उनलाई माल्दिभ्सको उच्च शिक्षा विभागद्वारा छात्रवृत्ति प्रदान गरिएको थियो।

मृत्यु र आलोचना

राउदा, २९ मार्च २०१७ मा राजशाही इस्लामी बेङ्क मेडिकल कलेजको छात्रवास स्थित आफ्नै कोठामा मृत अवस्थामा भेटिएकी थिइन्। उनको मृत शरीर उनकै सहपाठीहरूले भेटाएका थिए। उनको पार्थिव शरीरमाथी राजशाही मेडिकल कलेज अस्पतालमा जाँच र अनुसन्धान गरिएको थियो। माल्दिभियाली दूतावास र उनका पिताको सहमतिमा उनको शरीर माथी जाँच र अनुसन्धान सुरू गरिएको थियोे। उनको परिवारका अनुसार उनले इस्लामी पोशाक लगाउन नमानेका कारण उनको हत्या गरिएको थियोे। तीन जना चिकित्सहरूले गरेको अनुसन्धानमा उनले आत्महत्या गरेको निष्कर्ष निकालेका थिए। उनको मृत्युलाई लिएर पहिला राजशाही महानगरीय प्रहरीले अनुसन्धान थालेको थियो जसलाई माल्दिभियाली प्रहरी सेवाको टोलीले सहायता गरेको थियो। उनको मृत शरीरलाई राजशाही स्थित हेटेम्खा चिहानमा गाडिएको थियो। उनको दाहासंस्कारमा उनका परिवारका सदस्यहरू र बङ्गलादेशको लागि माल्दिभियाली राजदूत एसहाथ शान शाकिरको उपस्थिती रहेको थियो।

राउधाका पिता मोहमद आतिफ पनि चिकित्सक हुन् र उनले उनकी छोरीको आत्महत्या नभई हत्या भएको दावी गरेका थिए। १० अप्रिल २०१७ मा उनका पिताले कश्मिरी विद्यार्थी र उनको कोठामा बस्दै आएका साथीहरू माथी अदालतमा फाइल दर्ता गरेका थिए। २४ अप्रिल २०१७ मा अपराधीक अनुसन्धान विभागले उनको शरीरलाई गाडेको ठाउँबाट निकाली पुन: स्वनिरिक्क्षण गरेको थियो। अपराधीक अनुसन्धान विभागको अनुसन्धान अनुसार उनले आत्महत्या गरेको निष्कर्षमा पुगेको थियो। उनको मृत्युलाई अस्ट्रेलियाली दूरदर्शन कार्यक्रम ६० मिनेट्सले अनुसन्धान गर्दै बेइमानी भएको हुन सक्ने सुझाव दिएको थियो।