बयुत

बयुत डटकम संयुक्त अरब इमिरेट्सको व्यापारीक क्षेत्र दुबईमा आधारित निजी स्वामित्वको एक सम्पत्ति पोर्टल हो। बायुत सबै अबु धाबी , दुबई , शारजा अजमान , उम अल क्वैन, रस अल खैमाह र फुजैराहमा सेवा सञ्चालन गर्दछ। वर्षौंदेखि कम्पनीले संयुक्त अरब इमिरेट्सको अनलाइन रियल ष्टेटमा ठोस आधार प्राप्त गरेको छ।

बयुत डटकम

साइटको प्रकार	अनलाइन सम्पत्ति पोर्टल
उपलब्ध भाषा	अङ्ग्रेजी, अरबी
संस्थापित	सन् २००८
मुख्यालयहरू	दुबई, संयुक्त अरब इमिरेट्स
मालिक	अरबियन वेब पब्लिसिङ ग्रुप
प्रमुख कार्यकारी अधिकृत	हैलर अलि खान
उद्योग	रियल ष्टेट र इन्टरनेट बजारशास्त्र
कर्मचारीहरू	२००+
युआरएल	बयुत डटकम
अलेक्सा क्रम	६१,४४९ (अप्रिल २०१४)
वर्तमान स्थिति	चालू

इतिहास

बयुतको कार्यालय, दुबईमा

पाकिस्तानको प्रख्यात सम्पत्ति वेबसाइट जमिन डटकमकसँगको सफलता पछि दाजुभाइ जिशान र इमरान अली खानले बयुत डटकमको स्थापना सन् २००८ मा गरेका थिए। उनीहरूको जेठा दाइ हैदर अली खान सुरुवाती वर्षहरूमा बायुतको रणनीति सल्लाहकारको रूपमा रहेका थिए। सन् २०१४ मा उनले गोल्डम्यान सच्स् , सिलिकन ल्याब्स र राष्ट्रिय उपकरण जस्ता विश्वव्यापी दिग्गज कम्पनीहरूसँग २० वर्षको अनुभव पछि पूर्णकालिन कम्पनीको प्रमुख कार्यकारी अधिकृतको भूमिका लिएकम थिए। सन् २०१५ मा, बयुत डटकमले अन्य खाडी मुलुकहरूमा सेवा विस्तार गर्नका लागि थप लगानीकर्ताहरूको समर्थन प्राप्त गरेको थियो। सन् २०१५ मा, बायुतले उद्योग नेता सेलोगरका प्रमुख कार्यकारी अधिकृत रोलल्याण्ड ट्रिपार्ड र मितुला समूहका अध्यक्ष साइमन बेकरलाई आफ्नो टोलीमा स्वागत गरेको थियो जसले पहिला आरइए समूहका साथै आईप्रोपर्टी समूहको नेतृत्व गरेका थिए। अप्रिल २०१६ मा, बयुत डटकमले दुबईमा रणनीतिक बजारशास्त्र र प्रदर्शनीहरूद्वारा आयोजित अन्तर्राष्ट्रिय सम्पत्ति कार्यक्रममा भाग लिएको थियो।

सेवाहरू

बयुत डटकमको भण्डारणले संयुक्त अरब इमिरेट्समा बिक्री वा भाडामा उपलब्ध घर, समुन्द्री किनारमा अवस्थित घर , तला र व्यावसायिक भवनहरू सहित ९५,००० भन्दा बढि सम्पत्तीहरूलाई सूचीबद्ध गर्दछ। बयुत डटकमले एक खोज इञ्जिन प्रदान गर्दछ जसले प्रयोगकर्ताहरूलाई उनीहरूको खोजीलाई सम्पत्ति स्थान, प्रकार र मूल्य दायरा प्रविष्ट गरी अनुकूलित गर्न मद्दत गर्दछ। इच्छुक खरीददार र लगानीकर्ताहरूले जग्गा सम्बन्धी मामिलामा समयमै सल्लाहको लागि बयुतमा विशेषज्ञहरूसँग सम्पर्क गर्न सक्दछन्। वेबसाइटले संयुक्त अरब इमिरेट्सका विद्यालय , अस्पताल, किनमेल केन्द्र , चलचित्र मन्दिर र यातायात सूची पनि समावेश गर्दछ।

लगानी

सेप्टेम्बर २०१५ मा, बयुत डटकमले नयाँ बजारमा इन्धन वृद्धि गर्न तीन विश्वव्यापी लगानी कोषबाट नयाँ पूँजीमा ९० लाख अमेरिकी डलर उठाउँदै कोष सङ्कलनको दोस्रो शृङ्खलालाई उचाई प्रदान गरेको थियो। यो लगानी बायुतको नियन्त्रक कम्पनी इमर्जिंग मार्केटिस प्रपर्टी ग्रूपमा लगिएको थियो जसले पाकिस्तानको अग्रणी सम्पत्ति पोर्टल जामिन डटकमलाई पनि नियन्त्रण गर्दछ। कोष सङ्कलनको दोस्रो चरण पछि, बायुतको नियन्त्रक कम्पनी इएमपिजीले मध्य पूर्वी क्षेत्रको विस्तारको लागि जनवरी २०१६ मा थप २ करोड अमेरिकी डलर जुटाएको थियो।

पुरस्कार

नोभेम्बर २००९ मा, बयुत डटकम सिएनबीसी अरबी सम्पत्ती पुरस्कारमा 'सर्वश्रेष्ठ सम्पत्ती पोर्टल' घोषित भएको थियो। बयुत डटकमले सर्वश्रेष्ठ अरब सम्पत्ती पोर्टलको लागि पुरस्कार जितेको थियो भने यसलाई "विश्वको सर्वश्रेष्ठ सम्पत्ती पोर्टल" को दावेदारको रूपमा पनि मनोनयन गरिएको थियो।

बाह्य कडीहरू

आधिकारिक वेबसाइट