पतारी (सेवा)

पतारी (उर्दु: پٹاری) एक पाकिस्तान सङ्गीत प्रवाह सेवा हो जसलाई फेब्रुअरी २०१५ मा खलिद बजवा, फैसल सेरजन, इक्बल तलात भाट्टी र हुमायुन हरूनले संयुक्त रूपमा स्थापना गरेका थिए। यसले पाकिस्तानी सङ्गीतहरू प्रदान गर्दछ र यो पाकिस्तानको सबैभन्दा ठूलो सङ्गीत प्रवाह सेवा पनि हो। यसको प्रधान कार्यालय पाकिस्तानको एक प्रमुख सहर लाहोरमा रहेको छ।

पतारी
پٹاری‎

पर्दा चित्रण  आइओएसमा पतारीको पर्दा चित्रण
व्यवसायको प्रकार	निजी
उपलब्ध भाषा	अङ्ग्रेजी उर्दू
संस्थापित	फेब्रुअरी २०१५ (२०१५-०२)
मुख्यालयहरू	लाहोर, पञ्जाब , पाकिस्तान
उद्गम देश	पाकिस्तान
सेवा क्षेत्र	विश्वव्यापी
संस्थापक (हरू)	खलिद बाजवा हुमायुन हरून इकबल तलात भाटि
प्रमुख कार्यकारी अधिकृत	राबिल वारेच (अन्तरिम कार्यकारी)
मुख्य व्यक्तिहरू	खलिद वाजवा (सह-संस्थापक र पूर्व कार्यकारी) हुमायुन हरून (सह-संस्थापक, मोबाइल विकास) इकबल तलात भाटी (सह-संस्थापक, प्रमुख प्रविधि अधिकारी) फैसल शेरजान (सह-संस्थापक, प्रमुख रणनीति अधिकारी)
उद्योग	प्रवाह सेवा
युआरएल	patari.pk
अलेक्सा क्रम	५,०७६ (पाकिस्तान, अगष्ट २०१९)
दर्ता	वैकल्पिक
वर्तमान स्थिति	चालुू
Native client(s) on	विन्डोज आइओएस एन्ड्रोइड

इतिहास

पतारीका प्रमुख रचना अधिकृतका अनुसार, सुरुवातमा यस वेबसाइटलाई अनलाइन पाकिस्तानी नाटक शृङ्खला पोर्टल बनाउने योजना रहेको थियो। तथापि, यो प्रयास असफल भए पश्चात्, जाङ समूहका प्रमुख रणनीतिक अधिकारी फैसल सेरजनले पतारीका संस्थापकहरूलाई प्रोत्साहन दिँदै सङ्गीतमा ध्यान केन्द्रीत गर्न सल्लाह दिएका थिए।

बाजवाका अनुसार: " हाम्रो सुरुवाती योजना भनेको पाकिस्तानी नाटक शृङ्खला अनलाइन पोर्टल बनाउनु थियोे। जोङ समूहका प्रमुख रणनीतिक अधिकारीसँगको भेट पश्चात् उहाँले हामीलाई वेबसाइटलाई सङ्गीत प्रवाह सेवा बनाउनका लागि प्रोत्साहन दिनु भएको थियो जसले गर्दा हामीले सुरुवाती योजनालाई परिवर्तन गर्दै यसैमा ध्यान केन्द्रित गरेका थियौँ"।

सुरुवात

पतारी फेब्रुअरी २०१५ मा परीक्षण संस्करणको साथ (बिटा) सुरुवात गरिएको थियो जसमा यसमा २०,००० गीतहरू र ६०० कलाकारहरू समावेश गरिएको थियो र निमन्त्रणा मार्फत मात्र पहुँच योग्य थियो। यसलाई पछि दर्ता मार्फत पनि पहुँच योग्य बनाइएको थियो जसले गर्दा यो पछि पाकिस्तानमा पूर्ण पहुँच योग्य बनेको थियो।

"हामीले इमानदारीपूर्वक हाम्रो शिर तल राख्यौं र यस काममा लागिरह्यौं। मानिसहरूले पर्दा चित्रणहरू साझा गर्ने क्रम चलिरहेको थियो र यसका साथै मानिसहरूले आफ्नो धारणा तथा योजनाहरूको पनि साझेदारी गरेका थिए। मानिसहरूले व्यापारीक सुझावहरू पनि साझेदारी गर्दै कसरी निमन्त्रित हुने र देशव्यापी रूपमा पाकिस्तानी सङ्गीत र पतारीलाई उकास्ने काम गरिरहेका छन्" खलिद बजावाको भनाई

पतारी ४ सेप्टेम्बर २०१५ मा, सार्वजनिक रूपमा पहुँच योग्य बनाइएको थियो।

अनुप्रयोगहरू

अगष्ट २०१५ मा, पतारी एन्ड्रोइड र आइओएसमा सुरुवात गरिएको थियो। यसको अनुप्रयोगलाई भविष्यमा विन्डोज सञ्चालन प्रणालीमा पनि सुरुवात गर्ने योजना रहेको छ।

कोष

३० डिसेम्बर २०१६ मा, पतारीले ठूलो लगानी कम्पनी सरमयकार मार्फत २ लाख अमेरिकी डलर कोष प्राप्त गरेको थियो।

साप्ताहिक एकल चार्ट

पतारी हप्तानामा, पाकिस्तानी शीर्ष २० एकल चार्ट हो जून हरेक बिहीवार पतारी डट पिकेमा प्रकाशन हुने गर्दछ।

कानुनी समस्यहरू

जून २०१५ मा, इएमआई पाकिस्तानले पतारीलाई यसको वेबसाइटबाट सबै सामग्री हटाउन अनुरोध गरेको थियो। इएमआईले ६०,००० भन्दा बढी पाकिस्तानी कलाकारहरूको लागि अनुमति पत्र लिएको छ र यसले पाकिस्तानको कुल सङ्गीतको ७० प्रतिशत नियन्त्रण गर्दछ। इएमआई पाकिस्तानका महाप्रबन्धक जिसम चौधरीका अनुसार," हामी पतारीको विरुद्धमा छैनौँ। म कुनै पनि अवैध सामग्रीहरू प्रदान गर्ने पोर्टल, वेबसाइट वा मञ्चको विरुद्धमा छु। त्यस पछि, पतारी र इएमआईले समस्यहरूको समाधान गरी एक सम्झौता पत्रमा हस्ताक्षर गरेका थिए जसले गर्दा इएमआई पतारीको मञ्चमा आएको थियो।

यौन उत्पीडनको आरोप

पतारीका प्रमुख कार्यकारी अधिकृत खालिद बाजवालाई सार्वजनिकका तीन सदस्यहरूलाई यौन दुर्व्यवहार गरेको आरोप लगाइएको थियो। यसको जवाफमा पतारीले एक विज्ञप्ति जारी गर्दै , "हालका घटनाक्रमहरूको आधारमा पतारी प्रमुख कार्यकारी अधिकृत खालिद बाजवा तत्काल पद त्याग गर्नु पर्ने बताएको थियो। आरोपहरूको बारेमा छानबिन भैसकेको थियो। खालिद बाजवा १२ अप्रिल २०१८ मा आफ्नो पदबाट हटे र उनले आफ्नो टुइटर खाता पनि निष्क्रिय गरेका थिए। पछि कम्पनीले विज्ञप्ति जारी गरी, बजवा कम्पनीको भाग नरहने कुरा जानकार दिएको थियो र सार्वजनिक अभियोग लगाउनु अघि कम्पनीले उनी विरुद्ध यस्तै अनुसन्धान गरिरहेको कुराको पनि खुलासा गरेको थियो।

बाह्य कडीहरू

• आधिकारिक वेबसाइट