नेपालको सर्वोच्च अदालत

सर्वोच्च अदालत नेपालको न्यायपालिकाको सबैभन्दा माथिल्लो तहको अदालत हो। सर्वोच्च अदालतमा नेपालको प्रधानन्यायाधीशका अतिरिक्त बढीमा २० जनासम्म अन्य न्यायाधीशहरू रहने व्यवस्था छ। कुनै समयमा सर्वोच्च अदालतमा मुद्दाको संख्या बढ्न गई न्यायाधीशहरूको संख्या अपर्याप्त हुन गएमा कुनै निश्चित अवधिको लागि अस्थायी न्यायाधीश पनि नियुक्त गर्न सकिने व्यवस्था छ । सर्वोच्च अदालतको प्रधान न्यायाधीशको पदाअवधी ६ वर्षको हुन्छ । नेपालमा सर्वोच्च अदालतका वर्तमान प्रधान न्यायाधीश श्री चोलेन्द्र शमशेर जवरा हुनुहुन्छ ।

नेपालको सर्वोच्च अदालत
सर्वोच्च अदालतको भवन
Established	२१ मे १९५६
Country	नेपाल
Location	राम शाह पथ, काठमाडौँ, नेपाल
Coordinates	२७.६९७°N ८५.३२२°E / 27.697; 85.322
Composition method	संवैधानिक परिषद्को सिफारिसमा राष्ट्रपतिबाट नियुक्त
Authorized by	नेपालको संविधान
Judge term length	६५ वर्षको उमेर
No. of positions	१ जना प्रधान न्यायाधीस + २० जना स्थायी न्यायाधीश
Website	supremecourt.gov.np
प्रधान न्यायाधीश
Currently	चोलेन्द्र शमशेर जवरा
Since	१० सेप्टेम्बर २०१८

नेपालको सर्वोच्च अदालत

प्रधान न्यायाधीश र न्यायाधीशहरूको नियुक्ति

महामहिम राष्ट्रपतिबाट संवैधानिक परिषद्को सिफारिसमा नेपालको प्रधान न्यायाधीश र न्यायपरिषद्को सिफारिसमा सर्वोच्च अदालतका अन्य न्यायायाधीशहरूको नियुक्ति गरिने व्यवस्था छ। कुनै निश्चित अवधिको लागि सर्वोच्च अदालतको अस्थायी न्यायाधीश पदमा नियुक्ति गर्नु परेमा राष्ट्रपतिको अनुमति प्राप्त गरी न्याय परिषद्को सिफारिसमा प्रधान न्यायाधीशले नियुक्ति गर्न सक्ने व्यवस्था छ।

जनशक्ति

सर्वोच्च अदालतमा कार्यरत जनशक्ति तर्फ आर्थिक वर्ष २०६२ को अन्तमा प्रधान न्यायाधीशका अतिरिक्त अन्य १७ जना न्यायाधीशहरू कार्यरत थिए। कर्मचारीतर्फविभिन्न दर्जाका जम्मा ३३२ जना कर्मचारीहरू कार्यरत थिए। यसका अतिरिक्त केही कर्मचारी काजमा थिए।

न्यायिक कार्य

सर्वोच्च अदालतले आफूलाई प्राप्त विभिन्न क्षेत्राधिकार अन्तर्गत न्यायिक कार्य सम्पन्न गरी आएको छ। यस आर्थिक वर्षा विभिन्न क्षेत्राधिकार अन्तर्गत सम्पादन गरेको न्यायिक कार्यलाई निम्नानुसार उल्लेख गरिएको छ:

साधारण अधिकार क्षेत्र

सर्वोच्च अदालतको साधारण अधिकार क्षेत्र अन्तर्गत निम्न क्षेत्राधिकारहरू पर्दछन् :

1. शुरु मुद्दा हेर्ने
2. पुनरावेदन सुन्ने
3. पुनरावलोकन गर्ने
4. मुद्दा दोहोऱ्याइ हेर्ने
5. साधक जाँच्ने
6. निवेदन प्रतिवेदन सुन्ने

असाधारण अधिकार क्षेत्र

सर्वोच्च अदालतको असाधारण अधिकारक्षेत्र अन्तर्गत निम्नानुसारका क्षेत्राधिकारहरू पर्दछन् :

1. न्यायिक पुनरावलोकनको क्षेत्राधिकार
2. रिट क्षेत्राधिकार
3. सार्वजानिक सरोकारको विवाद हेर्ने

सन्दर्भ सामग्रीहरू

• सर्वोच्च अदालतका निर्णयहरूको सङ्ग्रह
• नेपालको कानुनी समाचार वेबसाइट

सम्पर्क ठेगाना

सर्वोच्च अदालत
रामशाह पथ नेपाल
ईमेल ठेगाना : Email: info@supremecourt.gov.np

आधिकारीक वेबसाइट

• www.supremecourt.gov.np
• http://nkp.gov.np नजिरहरु हेर्नका लागि यो लिकंमा क्लिक गर्नुहोस

यो पनि हेर्नुहोस्

• नेपालका प्रधानन्यायाधीशहरू