द हिमालयन्स (ब्याण्ड)

द हिमालयन्स (१९७४–१९८१) हङकङमा आधारित नेपाली पप रक ब्याण्ड थियो । यो ब्याण्ड मुसुमुसु हाँसिदेऊ र गाजलुले आँखै छोप्ने जस्ता गीतहरूका लागि जानिन्छ । सन् १९७४ मा हङकङमा केही नेपाली भाषी ब्रिटिस गोर्खा सैनिकहरूले यो ब्याण्ड बनाएका थिए र सन् १९८१ मा ब्याण्डका केही सदस्यहरूलाई बेलायतको एउटा रेजिमेन्टमा सरुवा गर्दा यसलाई विघटन गरिएको थियो ।

फ्रैंकलिन मुखिया, सोनम छिरिङ शेर्पा, नविन राई, नोर्देन तेन्जिङ भुटिया (दायाँ देखि बायाँ)

गठन

ब्याण्ड सन् १९७४ मा गठन भएको थियो । नोर्देन तेन्जिङ भुटिया सन् १९७१ मा हङकङमा ब्रिटिश गोर्खा सेनामा भर्ना भएका थिए त्यहाँ उनले सँगी सिपाहीहरूसँगै सन् १९७४ मा ब्याण्ड गठन गरे । उनीहरूले हङकङमा आफ्नो ब्याण्डका लागि किनेका केही पूरानो बाजाहरू लिएर गाउन थाले । भुटियाले ब्याण्डको नाम द हिमालयन्स राखे किनभने ब्याण्डका सदस्यहरू विभिन्न ठाउँका भए पनि हिमालय उनीहरूबीचको साझा सम्बन्ध थियो । ब्याण्डका सदस्यहरू साँझको समयमा अभ्यास गर्थे ।

गाजलुले आँखै छोप्ने

सुरुमा ब्यान्डले रेजिमेन्टमा विभिन्न अवसरमा कभर गीत गाउने गर्दथ्यो । सन् १९७५/१९७६ मा, जब BFBS रेडियोले तिनीहरूलाई एउटा गीत रेकर्ड गर्न बोलायो, तिनीहरूले आफ्नो पहिलो मौलिक गाजलुले आँखै छोप्ने रेकर्ड गरे, जुन भुटियाका साथी अरुण थापाको ले रचेका थिए । उक्त गीतले उनीहरुलाई नेपाली संगीतको मूलधारमा पुर्‍यायो । त्यसपछि उनीहरूले धेरै मौलिक गीतहरू रचना गरे ।

मुसुमुसु हाँसिदेऊ

उनीहरूको गीत मुसुमुसु हाँसिदेऊ लाई संगीतकार विशाल ददलानी, शिराज भट्टाचार्य र सम्राटले सन् १९९९ मा बलिउड फिल्म प्यार मे कभी कभीको लागि पुन: निर्माण गरेका थिए ब्याण्ड सदस्य फ्रैंकलिन मुखियाका अनुसार पुन: निर्माण अनौपचारिक थियो र गीत चोरी भएको थियो ।

सदस्यहरू

प्रमुख सदस्यहरू

• नोर्देन तेन्जिङ भुटिया (गायक)
• विजय थापा (गितारवादक)
• फ्रैंकलिन मुखिया (गायक)
• नवीन राई (गितारवादक)
• सोनम छिरिङ शेर्पा (ड्रमवादक)
• दीपक चन्द्र राई (ड्रमवादक)

सहयोगी सदस्यहरू

• अजल सिंह गुरुङ
• श्याम लामा
• कृष्णमिलन नेवार

गीतहरू

• गाजलुले आँखै छोप्ने
• मायाले माया गासिदेऊ
• चिसो बतासले
• चाँप गुराँस जब फुल्दछ
• मलाई धेरै धेरै
• कहाँ तिम्रो मायालुलाई
• फर्की हेर मेरो जीवन
• मुसुमुसु हाँसिदेऊ