टाया भल्किरी

काइरा रिनी हिनिगेन (जन्म: २२ अक्टोबर १९८३) एक क्यानडेली व्यवसायिक महिला कुस्ती खेलाडी हुन् जो हाल अमेरिकी कुस्ती पदोन्नति इम्प्याक्ट रेस्लिङमा टाया भल्किरीको नामले कुस्ती खेल्दै आएकी छिन्। उनले इम्प्याक्ट रेस्लिङमा एकपटक नकआउट्स उपाधि र मेखिकोमा आधारित लुचा लिब्रे एएए विश्वव्यापीमा एकपटक महिला उपाधि जित्न सफल भएकी थिइन्। उनी हाल एएए रिनेस रेइना डि रिनासका तात्कालिक महिला उपाधि विजेता हुन्। उनी महिला लुचा क्यापिटलकी पहिलो विजेता पनि हुन्।

टाया भल्किरी
सन् २०१८ मा भल्किरी
वास्तविक नाम	काइरा रिनी फोस्टर
जन्म	(1983-10-22) अक्टोबर २२, १९८३ ब्रिटिस कोलम्बिया, क्यानडा
निवासस्थान	लस एन्जल्स, क्यालिफोर्निया, अमेरिका
जीवनसाथी(हरू)	जोन मोरिसन ( वि २०१८)
व्यावसायिक कुस्ती जीवन
लोकप्रिय रिङ नाम	काइरा फोस्टर टाया टाया मुण्डो टाया भल्किरी
उचाई	१.७३ मी (५ फिट ८ इन्च)
तौल	१४५ पाउन्ड (६६ किग्रा)
उत्पत्ति	भिक्टोरिया, ब्रिटिस कोलम्बिया
प्रशिक्षक	लेन्स स्टोर्म
पदार्पण	सन् २०१०

व्यवसायीक कुस्ती कार्यकाल

प्रशिक्षण तथा सुरुवाती कार्यकाल (सन् २०१०–२०११)

सन् २०१० मा हिनिगेनले लेन्स स्ट‍र्मद्वारा निर्माण गरिएको स्टोर्म रेस्लिङ एकेडेमीमा लेन्स स्टोर्मसँग प्रशिक्षण लिन सुरु गरेकी थिइन्। उनी लेन्सको क्यानडेली वास्तविक कार्यक्रम वर्ल्ड अफ हर्ट र रोडी पिपर द्वारा सञ्चालन गरिएको कार्यक्रमहरूमा पनि सामेल भएकी थिइन्। त्यहीँबाट उनले क्यानडा स्थित अन्य कुस्ती पदोन्नतिहरूमा कुस्ती खेल्न सुरु गरेकी थिइन् जहाँबाट उनले आफ्नो रिङ नाम टाया भल्किरीको रूपमन प्रस्तुत हुन थालेकी थिइन् भने उनले प्रायःजस‍ समय इलिट क्यानडियन च्याम्पियनसिप रेस्लिङमा बिताएकी थिइन्।

डब्ल्युडब्ल्युई (सन् २०११)

सन् २०११ को अक्टोबरमा उनले डब्ल्युडब्ल्युईसँगको आवद्ध पत्रमा हस्ताक्षर गरेकी थिइन् भने उनले डब्ल्युडब्ल्युईको विकासशील क्षेत्रमा कुस्ती खेल्न सुरु गरेकी थिइन्। डब्ल्युडब्ल्युईको विकासशील क्षेत्रहरूमा आधिकारिक रूपमा कुनैपनि कुस्ती नखेलेकी उनी पछि सन् २०११ मा अमेरिकी स्वतन्त्र सर्किट तथा क्यानडेली कुस्ती पदोन्नतिहरूमा कुस्ती खेल्नका लागि गएकी थिइन्।

लुचा लिब्रे एएए विश्वव्यापी (सन् २०१२–२०१७)

सन् २०१२ नोभेम्बर ३ का दिन फोर्स्टरले लुचा लिब्रे एएए विश्वव्यापीमा आफ्नो रिङ नाम टाया भाल्किरीको रूपमा उक्त पदोन्नतिमा पर्दापण गरेकी थिइन् जहाँ उनी छ खेलाडी मिश्रित ट्याग टिम खेलमा पर्दापण गरेकी थिइन् जुन खेलमा उनी ग्रान अपाची र मेरी अपाचीको टोलीमा सामेल भएकी थिइन्। सन् २०१२ देखि सन् २०१३ को अन्त्य तिर उनले उक्त पदोन्नतिमा विभिन्न एकल तथा ट्याग टिम खेलहरू खेलेकी थिइन्। सन् २०१३ मार्च ३ का दिन भल्किरीले जेनिफर ब्लेकलाई पराजित गर्दै एएए रेइना डे रिनास उपाधिको प्रतियोगिताको अन्तिम चरणमा प्रवेश गर्न सफल भएकी थिइन्। उक्त खेलको दुई हप्ता पछि आयोजित रे डि रेइजमा भल्किरी फेर वे इलिमिनेस खेलमा फेबी अपाची, लुफिस्टो र मेरी अपाचीसँग खेल खेलेकी थिइन् तर उक्त खेलमा उनले खाली रहेको उपाधि जित्न असमर्थ रहिन्।

सन् २०१४ जुन ४ का दिन भल्किरीले चिन्टिया मोरेनो, ला योरचिटा, ला म्याग्निफीका, मेरी अपाची, सेक्सी लेडी र सेक्सी स्टारलाई एकै खेलमन हारउँदै फेबी अपाचीको रेइना डि रिनास उपाधिका लागि पहिलो दावेदार बन्न सफल भएकी थिइन्। उक्त खेलको केही महिना पश्चात् अगष्ट १७ मा भल्किरीले फेबी अपाचीलाई उपाधिका लागि खेलमा पराजित गर्दै पहिलोपटक रेइना दे रिनास उपाधि जित्न सफल भएकी थिइन्। सेप्टेम्बर १२ का दिन उनले उक्त उपाधि स्वतन्त्र टोटल इभेण्टमा कोकोरा फ्लोरेस, फेबी अपाची, करिना डुभाल, मुनिका र प्रिन्सेस मेटालिकाको विरुद्धमा उपाधि रक्षा गर्न सफल भएकी थिइन्। उनले उक्त उपाधि सन् २०१७ मार्च १९ का दिन अयोको हमान्डा विरुद्धको खेलमा गुमाउन पुगेकी थिइन्। उनीहरूको बीको पुनः खेल अप्रिल २१ का दिन आयोजना गरिएको थियो जहाँ उनले हमान्डलाई उपाधिका लागि खेलमा पराजित गर्दै दोस्रोपटक रेइना दे रिनास उपाधि हात पार्न सफल भएकी थिइन्। १ जुलाई २०१७ का दिन एएए कुस्ती पदोन्नतिका प्रबन्धकले भल्किरीले जितेको रेइना दे रिनास उपाधि खाली रहेक‍ जानकारी गराएका थिए भने उक्त पदोन्नतिमा सेक्सी स्टार पुनः फर्किइन् र उनले उक्त उपाधि पछि जितेकी थिइन्।

इम्प्याक्ट रेस्लिङ

सुरुवाती कार्यकाल (सन् २०१७-२०१९)

सन् २०१७ सेप्टेम्बर ७ का दिन भल्किरीले अमेरिकी एक कुस्ती पदोन्नति संस्था इम्प्याक्ट रेस्लिङमा पर्दापण गरेकी थिइन् भने उनले उक्त पदोन्नति अन्तर्गतको पहिलो उपस्थितिमानै रोज मेरीलाई आक्रमण गरेकी थिइन्। उक्त घटनाको एक हप्ता पश्चात् आयोजित इम्प्याक्टको एक श्रृङ्खलामा भल्किरीले उनको पहिलो खेलमा एम्बर नोभालाई पराजित गर्न सफल भएकी थिइन्। सन् २०१७ को सेप्टेम्बर र अक्टोबर महिना भरि रोज मेरी र भल्किरी बीचको द्वन्द्व चलिरहेको थियो जसको फलस्वरूप उनीहरूको बीच पछि खेल आयोजना गरिएको थियो जुन भल्किरीले जित्न सफल भएकी थिइन्। उनीहरू बीच पुनः खेल बाउन्ड फल ग्लोरी नामक एक कार्यक्रममा आयोजना हुने भनिएक‍ थियो तर उक्त खेल खेल्न भल्किरी असमर्थ रहिन्। ५ महिनासम्मको अस्थायी अवकाश पश्चात् भल्किरी सन् २०१८ मार्च १ का दिन आयोजित इम्प्याक्ट रेस्लिङको एक श्रृङ्खलामा पुनः फर्किएकी थिइन् जहाँ उनले फेरी रोज मेरीलाई आक्रमण गरेकी थिइन्। अप्रिल १२ का दिन आयोजित इम्प्याक्टको एक श्रृङ्खलामा भल्किरी र उनको खेल जारी गरिएको थियो जहाँ भल्किरी मेरीसँग पराजित भएकी थिइन् भने उक्त खेल पश्चात् उनीहरू बीचको द्वन्द्वको पनि अन्त्य भएको थियो।

भल्किरी पछि ५ महिनाको अवकाश पश्चात् सन् २०१८ को सेप्टेम्बर महिनामा इम्प्याक्टमा फिर्ता भएकी थिइन् तर उनले उक्त पदोन्नतिमा फर्किने बित्तिकै तात्कालिक इम्प्याक्ट नकआउट्स विजेता टेसा ब्लाञ्चर्डलाई उनको उपाधिका लागि चुनौती दिन सुरु गरेकी थिइन्। जनवरी ६, २०१९ का दिन इम्प्याक्ट रेस्लिङद्वारा आयोजित होमकमिङ नामक एक कार्यक्रममा ब्लाञ्चर्डको सामाना भल्किरीसँग उनको उपाधिका लागि भएको थियो जुन खेलमा अतिथि निर्णायकको रूपमा गेल किम आएकी थिइन्। उक्त खेलकी अतिथि निर्णयक गेल किमले ब्लाञ्चर्डलाई आक्रमण गरेका कारण (जसलाई ब्लाञ्चर्डले नेपथ्यमा आक्रमण गरेकी थिइन्) भल्किरी ब्लाञ्चर्डलाई पराजित गर्दै नकआउट्स उपाधि जित्न सफल भएकी थिइन्। उनले उक्त उपाधि सन् २०२० जनवरी १८ का दिन ग्रेस विरुद्धको खेलमा गुमाएकी थिइन्।

सबैभन्दा लामो समयसम्म नकआउट्स विजेता (सन् २०१९–२०२०)

जनवरी ६, २०१९ का दिन इम्प्याक्ट रेस्लिङद्वारा आयोजित होमकमिङ नामक एक कार्यक्रममा ब्लाञ्चर्डको सामाना भल्किरीसँग उनको उपाधिका लागि भएको थियो जुन खेलमा अतिथि निर्णायकको रूपमा गेल किम आएकी थिइन्। उक्त खेलकी अतिथि निर्णयक गेल किमले ब्लाञ्चर्डलाई आक्रमण गरेका कारण (जसलाई ब्लाञ्चर्डले नेपथ्यमा आक्रमण गरेकी थिइन्) भल्किरी ब्लाञ्चर्डलाई पराजित गर्दै नकआउट्स उपाधि जित्न सफल भएकी थिइन्। ब्लाञ्चर्डले उनको गुमेको उपाधिका लागि पुनः भल्किरीसँग खेल खेलेकी थिइन् जहाँ उनी उपाधि जित्न असमर्थ रहिन्। उपाधिको जितसँग भल्किरीले उनको उपाधि इम्प्याक्ट र मेखिकोमा आयोजित विभिन्न कुस्ती कार्यक्रमहरूमा अन्य खेलाडीको विरुद्धमा आफूसँगै कायम गर्न सफल भएकी थिइन्। उनले उपाधि लामो समयसम्म आफूसँगै कायम राख्न सफल भएका कारण उनले पहिलाकी सबैभन्दा लामो समयसम्म नकआउट्स उपाधि विजेता टेरन ट्रेललाई पछि पार्दै सबैभन्दा लामो समयसम्म नकआउट्स विजेता बन्न सफल भएकी थिइन्। उनले आफ्नो नकआउट्स उपाधि सन् २०१९ मा इम्प्याक्ट रेस्लिङ द्वारा आयोजित बाउन्ड फर ग्लोरीमा जोर्डेन ग्रेसलाई र हार्ड टु किल नामक एक कुस्ती कार्यक्रममा ओडिबीलाई पराजित गर्न सफल भएकी थिइन्। उनले उक्त उपाधि सन् २०२० जनवरी १८ का दिन ग्रेस विरुद्धको खेलमा गुमाएकी थिइन्।

एएएमा फिर्ता (सन् २०१८–हाल)

अक्टोबर ३१ का दिन एएएले इम्प्याक्टको प्रतिनिधित्व गर्दै फेसबुक लाइभमा प्रसारित लुचा क्यापिटलमा टाया एएएमा फिर्ता भएको जानकारी गराएको थियो। सन् २०१८ नोभेम्बरमा टाया एएएमा फिर्ता भएकी थिइन् भने उनको पहिलो खेलमा उनी अष्ट्रेलियन सुसाइडसँग पराजित भएकी थिइन्। ५ डिसेम्बरका दिन टायाले ला हिदरालाई एक प्रतिस्पर्धाको सेमिफाइनल खेलमा पराजित गर्ने सफल भएकी थिइन्। १९ डिसेम्बर २०१८ का दिन टायाले कियरा र भनिलालाई एक खेलमा पराजित गर्दै महिला लुचा क्यापिटल प्रतियोगिता जित्न सफल भएकी थिइन् भने सोही दिन उनले एएए रेइना डे रिनास उपाधिका लागि भविष्यमा उपाधि विजेतासँग खेल खेल्न पाउने भएकी थिइन्। १५ सेप्टेम्बर २०१९ का दिन भल्किरीले इम्प्याक्ट रेस्लिङ र एएएको एक कार्यक्रम लुचा इनभिडासमा कुस्ती खेलेकी थिइन् जहाँ उनले तात्कालिक उपाधि विजेता टेसा ब्लाञ्चर्डलाई पराजित गर्दै एएए रेइना दे रिनास उपाधि तेस्रोपटक जित्न सफल भएकी थिइन्।

उपाधि तथा उपलब्धिहरू

• डिडिटी प्रो रेस्लिङ
  • आइरनमेन ह्याभिमेटलवेट विजेता (१ पटक)
• हेभी अन रेस्लिङ
  • हेभि अन रेस्लिङ महिला विजेता (१ पटक)
• इम्प्याक्ट रेस्लिङ
  • इम्प्याक्ट नकआउट्स विजेता (१ पटक)
  • इम्प्याक्ट वर्ष समाप्ति पुरस्कार (१ पटक)
    • इम्प्याक्ट वर्ष समाप्ति पुरस्कार (सन् २०१९)
• आइरनफिस्ट रेस्लिङ
  • आइरनफिस्ट महिला विजेता (१ पटक)
• लुचा लिब्रे एएए विश्वव्यापी
  • एएए रेइना दे रिनास विजेता (३ पटक)
  • लुचा क्यापिटल (सन् २०१८)
  • वर्षको लुचादोर (सन् २०१४, सन् २०१५)
• प्रो रेस्लिङ इलुस्ट्रेटेड
  • १०० महिला कुस्ती खेलाडी मध्ये शीर्ष १५ मा पर्न सफल (सन् २०१९)
• स्पोर्ट्स इलुस्ट्रेटेड
  • १० महिला खेलाडी मध्ये शीर्ष ५ मा पर्न सफल (सन् २०१९)

बाह्य कडीहरू

• टाया भल्किरी ट्विटरमा
• इम्प्याक्टको आधिकारिक जालस्थलमा भल्किरी
• इन्टरनेट चलचित्र डेटाबेसमा टाया भल्किरी