गजराज सिंह थापा

गजराज सिंह थापा नेपाली चिया उद्योगका संस्थापक हुन् । उनी नेपाली सेनाका कर्णेल एवम् इलाम गौंडाका बडाहाकिम पनि थिए । उनले चियाको बिजारोपण सुरु गरेपछि अहिलेको स्थितिमा यो राष्ट्रिय आयको साधन बनेको छ ।

बडाहाकिम श्री गजराज सिंह थापा
बडाहाकिम कर्णेल गजराजसिंह थापाको एक तस्बिर
इलाम गौंडाका बडाहाकिम
व्यक्तिगत विवरण
नाता	ससुरा जंगबहादुर राणा
अभिभावक	हेमदल सिंह थापा (पिता)
सैन्य सेवा
निष्ठा	नेपाल
श्रेणी	कर्णेल

परिवार

कर्णेल गजराजसिंह थापा र बदनकुमारी

उनको जन्म करिब सन् १८३० तिर काजी हेमदलसिंह थापाको पुत्रको रूपमा भयो । उनका हजुरबुवा सरदार अचल सिंह थापा हुन् । उनले जङ्ग बहादुर राणाकी जेठी छोरी बदनकुमारीसँग विवाह गरेका थिए । उनका छोरा कर्णेल हर्कजङ्ग थापा हुन् र नाति डिल्ली जङ्ग थापा राजविराज नगरपालिकाको डिजाइनर (पहिलो टाउन-प्लानिङ) हुन् ।

चिया उद्योग

इलाममा गजराजसिंहको योगदानको कदर स्वरुप राखिएको बोर्ड

दार्जिलिङको भ्रमणमा उनले चिया निकै स्थानहरूमा पिएका थिए । चियाको बिज उपहार स्वरुप पाउनासाथ सोक्तिममा चिया खेती गरेका थिए । १०३ एकड जग्गामा क्यामेलिया साइनेनसिस नामक चियाको बिजारोपण गरेपछि नेपालको सन्दर्भमा चियाले एक दैनिक पेय पदार्थको स्थान पाएको हो ।

इलाममा राखिएको अर्को बोर्ड

यो पनि हेर्नुहोला

इलाम जिल्ला