एबिगेल जोनसन

एबिगेल पियरपोन्ट जोनसन (जन्म डिसेम्बर १९, १९६१) एक अमेरिकी अरबपति व्यवसायी हुन्। सन् २०१४ देखि उनी अमेरिकी लगानी संस्था फिडेलिटी इन्भेस्टमेन्ट (एफएमआर)को अध्यक्ष र प्रमुख कार्यकारी अधिकृत तथा यसको अन्तर्राष्ट्रिय भगिनी संस्था फिडेलिटी इन्टरनेसनल (एफआइएल)को अध्यक्षको रूपमा कार्यरत रहेकी छिन्। फिडेलिटी उनका हजुरबुबा एडवर्ड सी जोनसन द्वितीयले स्थापना गरेका थिए। उनको बुबा एडवर्ड सी 'नेड' जोनसन तृतीय एफएमआरको आजिवन अध्यक्षको रूपमा रहेका छन्। सन् २०१३ को मार्चमा, जोनसन परिवारको कम्पनीमा ४९% तथा जोनसनको आफ्नो २४.५% को स्वामित्व रहेको थियो।

एबिगेल जोनसन
जन्म	एबिगेल पियरपोन्ट जोनसन (1961-12-19) १९ डिसेम्बर १९६१
शिक्षा	विलियम स्मिथ क्लेज (मानविकिमा स्नातक) हावर्ड विश्वविद्यालय (व्यवस्थापनमा स्नातकोत्तर)
पेशा	फिडेलिटी इन्भेस्टमेन्टको अध्यक्ष, प्रमुख कार्यकारी अधिकृत तथा प्रमुख फिडेलिटी इन्टरनेसनलको अध्यक्ष
जम्मा सम्पति	अमेरिकी डलर १५ अर्ब (सेप्टेम्बर २०२०)
जीवनसाथी	क्रिस्टोफर म्याकोन
सन्तान	२
मातापिता	एडवर्ड सी "नेड" जोनसन तृतीय

सन् २०१६ नोभेम्बरमा जोनसनलाई ४५,००० कर्मचारी भएको फिडेलिटीको उनी प्रमुख कार्यकारी अधिकृत तथा अध्यक्ष रहने गरी सम्पूर्ण अधिकारको साथ अध्यक्षको मनोनयन गरिएको थियो। जोनसनको कुल सम्पति लगभग १६ अर्ब अमेरिकी डलर रहेको छ, उनी विश्वको धनी महिला मध्ये पनि एक हुन्। उनलाई सन् २०१६ मा फोर्ब्सले अमेरिकाको ५० ठूला सहरहरूको धनी व्यक्तिको सूचीमा सूचीबद्ध गरेको थियो तथा सन् २०१९ मा ७औँ शक्तिशाली महिलाको रूपमा सूचीकृत गरेको थियो । उनी म्यासेचुसेट्सको सबैभन्दा धनी व्यक्ति पनि हुन्।

यो पनि हेर्नुहोस्

• विश्वका अर्बपतिहरू