अन्नपूर्ण ब्याज

अन्नपूर्ण ब्याज ब्वाए/गर्ल स्काउट लाई वेडेन पावेल शिखर ब्याज प्रदान गरेपछि प्रदान गरिने अर्को चरणको ब्याज हो ।

यो दोस्रो चरणको वेडेन पावेल शिखर ब्याज दिए पछि स्काउटहरूलाई प्रदान गरिने तेस्रो चरणको ब्याज हो । यो ब्याजको भूमी हरियो हुन्छ । जसले स्काउटहरूलाई नेपालको धनको रूपमा रहेको हरियो वनपाखाको प्रतिनिधित्व गराउँछ । यस ब्याजको माथिल्लो भागमा सेतो हिमाल अङ्कित छ । जसले नेपालको अन्नपूर्ण हिमालको प्रतिनिधित्व गर्दछ । हिमालभन्दा तल्लो भागमा स्काउटको तीन औंले प्रणाम चिन्ह रहेको हुन्छ । जसले स्काउटहरु आफ्नो ३ प्रतिज्ञामा सदा निष्ठावान रहन्छन् भन्ने कुरा जनाउँछ ।^[१]

प्रक्रिया

^[२] अन्नपूर्ण ब्याज प्राप्त गर्नको लागि स्काउटले आफ्नो स्काउट मास्टरलाई तपसिलका विषयको परीक्षा दिई उहाँको विश्वास प्राप्त गर्नु पर्नेछ

शारीरिक शिक्षा

शारीरिक शिक्षा अन्र्तगत स्काउटले वी.पी. ब्यायाम गर्न सक्ने, स्काउट मार्च र व्यक्तिगत स्वास्थ्य सम्बन्धी ज्ञान हासिल गरेको हुनुपर्ने छ ।
यसका साथै स्काउटले स्वास्थ्य नियम र कवाज आफ्नो एउटा स्काउट साथीलाई सिकाएको हुनुपर्ने छ ।
शारीरिक शिक्षा अन्र्तगत स्काउटले एउटा कब/ब्राउनी साथीलाई स्वास्थ्य सम्बन्धी प्रोफिसियन्सी ब्याज प्राप्त गर्न मद्दत गर्ने वा जुडो, कराते, तेक्वाण्डो खेल मध्य कुनै एकको जानकारी हासिल गरेको हुनुपर्ने छ ।
यसका साथै स्काउटले स्वास्थ्य सम्बन्धी प्रोफिसियन्सी ब्याज प्राप्त गरेको हुनुपर्ने छ ।

बौद्धिक खुबी

बौद्धिक खुबी अन्र्तगत स्काउटले अन्नपूर्ण ब्याजको अर्थ, राष्ट्रिय चिन्हहरूको ज्ञान, चार वटा स्काउट गीत, आफ्नो जिल्लाको स्काउटिङ्ग इतिहासको ज्ञान जानेको हुनुपर्ने छ ।
स्काउटले WOSM/WAGGGS को चिन्हको अर्थ थाहा पाएको र चित्र बनाउन सक्ने हुनुपर्ने छ ।
यसका साथै स्काउटले आफू रहने जिल्लाको इतिहासको ज्ञान हासिल गरेको हुनुपर्ने छ ।
यसका साथै स्काउटले अन्तर ट्रुप वा अन्तर पेट्रोलका लागि हाजिर जवाफ, वाद–विवाद, हिज्जे, वक्तृत्वकला प्रतियोगितामा भाग लिन सक्ने हुनुपर्ने छ ।
स्काउटले आफू रहने जिल्ला र आफ्नो विद्यालयको वरिपरिको वातावरणको ज्ञान हासिल गरेको हुनुपर्ने छ ।

गृह सेवा

गृह सेवा अन्र्तगत स्काउटले घरमा वा घरभन्दा बाहिर एक पेट्रोलको लागि मिलेर एक छाक खाना तयार गर्न सक्ने हुनुपर्ने छ ।
यसका साथै स्काउटले एक छाक खाना तयार गर्न आवश्यक किनमेल गर्न सक्ने हुनुपर्दछ ।
गृह सेवा अन्र्तगत नै स्काउटले निम्न लिखित मध्ये कुनै दुईको पूर्ण ज्ञान र अभ्यास गरेको हुनुपर्ने

(क) कम्पोष्ट मल बनाउने,
(ख)कुखुरापालन,
(ग)करेसा बारी सिहारसुसार
(घ)सिलाई बुनाई
(ङ)आफ्नो फूलबारीमा दुई फल फल्ने विरूवा रोपेको हुनुपर्ने
(च)अथवा स्थायी फूलेको विरूवा हुर्काउने

स्काउटले घरायसी कार्यमा एउटा प्रोफिसियन्सी ब्याज हासिल गरेको हुनुपर्दछ ।

सेवा

स्काउटले घर, विद्यालय वा समाजमा सेवा कार्य गरेर त्यसको प्रमाण–पत्र प्राप्त गरेको हुनुपर्ने छ ।
स्काउटले ट्रूपमा बनेका हस्तकलाका वस्तुहरुविक्री गरी ट्रूपका लागि अर्थ सङ्कलन गर्ने अथवा २ दिनको सेवा शिविर मा भाग लिर्इ प्रमाण–पत्र हासिल गरेको हुनुपर्ने छ ।
स्काउटलाई रोलर व्यान्डेजको जानकारी हुनु पर्ने र बाँध्ने तरिकाको समेत ज्ञान हुनु पर्ने छ ।
स्काउटले हात भाँचिएको ठाउँमा सानो र ठूलो झोलुङ्गे पट्टीको प्रयोग गर्न सक्ने हुनुपर्ने छ ।

बाह्य कृयाकलाप

बाह्य कृयाकलाप अन्र्तगत स्काउटले दुई राते क्याम्प वा चार वटा डे क्याम्पमा भाग लिएको हुनुपर्ने छ ।

चरित्र निर्माण

बाह्य कृयाकलाप अन्र्तगत स्काउटले पेट्रोलमा सक्रिय भर्इ ६ महिनासम्म काम गरेको अवधिको रिपोर्ट तयार गरेको हुनुपर्ने छ ।

हस्तकला

हस्तकला अन्र्तगत स्काउटलेएउटा उनी वस्त्र बनाउन जानेको हुनुपर्ने छ ।

सम्बन्ध

सम्बन्ध अन्र्तगत स्काउटले आफ्नो जिल्ला स्काउट कार्यालयका लागि अर्थ संकलनमा सहभागी भएको हुनुपर्ने छ ।
यसका साथै स्काउटले कम्तिमा २ राष्ट्रिय वा अन्तर्राष्ट्रिय पत्र–मित्र बनाएको हुनुपर्ने छ ।
स्काउटले कम्तिमा १० जना स्काउटिङ्ग क्षेत्रका वा अन्य महत्त्वपूर्ण व्यक्तिहरूको अटोग्राफ/फोटो सङ्कलन गर्न सक्ने हुनुपर्ने छ ।

सन्दर्भ सामग्री

↑ अन्नपूर्ण ब्याज^{[स्थायी मृत कडी]}
↑ नेपाल स्काउट वेब्याक मेसिन अभिलेखिकरण २०१३-०५-२८ मिति

यो पनि हेर्नुहोस्

बाहिरी कडिहरु

नेपाल स्काउट वेब्याक मेसिन अभिलेखिकरण २०१३-०५-२८ मिति

[1] अन्नपूर्ण ब्याज^{[स्थायी मृत कडी]}

[2] नेपाल स्काउट वेब्याक मेसिन अभिलेखिकरण २०१३-०५-२८ मिति

[१]

[२]