रेजिमेन्ट
रेजिमेन्ट एक सैन्य इकाई हो। यसको भूमिका र आकार देश, सेवा र/वा विशेषज्ञताको आधारमा स्पष्ट रूपमा भिन्न हुन्छ। रेजिमेन्टलाई कम्पनी वा बटालियनजस्ता साना इकाई मा थप विभाजित गरिन्छ। मध्ययुगीन युरोपमा, "रेजिमेन्ट" शब्दले अग्रपंक्तिका सिपाहीहरूको ठुलो समूहलाई जनाउँछ, [१]। उनीहरूलाई एक भौगोलिक क्षेत्रमा एक नेता (जो प्रायः सामन्त हुन्थे)द्वारा भर्ती गरिएको हुन्थ्यो। नाइट रैंकका थोरै ब्यारन्सहरूले उनीहरूको म्यानोरियल इस्टेटबाट कम्पनी वा बटालियन जम्मा गर्ने वा भाडामा लिने अपेक्षा गर्न सकिन्छ।
१७औँ शताब्दीको अन्त्य सम्ममा, अधिकांश युरोपेली सेनाहरूमा पैदल सेनाको रेजिमेन्टहरू स्थायी एकाइहरू थिए, जसमा एक कर्नल को नेतृत्वमा लगभग ८०० जना सैनिक हुन्थे।
ब्रिटिस सेना सम्पादन गर्नुहोस्
आधुनिक ब्रिटिस रेजिमेन्टल प्रणाली १९औँ शताब्दीको कार्डवेल सुधारको परिणामको रूपमा आएको हो।
भारतीय सेना सम्पादन गर्नुहोस्
भारतीय सेनाको स्थापना पछि, भारतीय सेनाले ब्रिटिस सेनाको सङ्गठनात्मक संरचनालाई कायम गर्यो, जुन आज पनि कायम छ। तसर्थ, आफ्नो पूर्ववर्ती जस्तै, भारतीय इन्फन्ट्री रेजिमेन्टको जिम्मेवारी फिल्ड अपरेशनहरू गर्ने होइन तर क्षेत्रीय संरचनाहरूमा बटालियनहरू र राम्रो तालिमप्राप्त कर्मचारीहरू उपलब्ध गराउनु हो। त्यसैले, धेरै ब्रिगेड, डिभिजन, कोर, कमाण्ड र मोर्चामा एउटै रेजिमेन्टको बटालियनहरू फेला पार्नु सामान्य हुन्छ। ब्रिटिस र राष्ट्रमंडल समकक्षहरू जस्तै, रेजिमेन्ट भित्र भर्ना गरिएका सेनाहरू अत्यन्तै वफादार हुन्छन्, उनीहरूलाई नियुक्त गरिएको रेजिमेन्टमा ठुलो गर्व हुन्छ, र सामान्यतया आफ्नो सम्पूर्ण क्यारियर रेजिमेन्ट भित्र बिताउँछन्।
धेरैजसो भारतीय सेना इन्फन्ट्री रेजिमेन्टहरू निश्चित चयन मापदण्डहरूमा आधारित हुन्छन् ,जस्तै: क्षेत्र (उदाहरणका लागि, असम रेजिमेन्ट ), जाति/समुदाय ( जाट रेजिमेन्ट, गोर्खा रेजिमेन्ट ), वा धर्म ( सिख रेजिमेन्ट )।
अधिकांश रेजिमेन्टहरूले ब्रिटिस राज अन्तर्गत खडा भएका रेजिमेन्टहरूको विरासतलाई जारी राख्छन्, तर भारतीय स्वतन्त्रता पछि केही खडा भएका छन्, जसमध्ये केहीले सीमा रक्षामा विशेषज्ञता हासिल गरेका छन्, विशेष गरी लद्दाख स्काउट्स, अरुणाचल स्काउट्स, र सिक्किम स्काउट्स।
पैदल सेनाको प्रत्येक रेजिमेन्ट एक कर्णेलद्वारा कमान्ड गरिएको हुन्छ जसलाई एक लेफ्टिनेन्ट कर्णेल द्वारा सहायता प्रदान गर्छ।[२]
सन्दर्भ सामग्रीहरू सम्पादन गर्नुहोस्
- ↑ Page 39, Vol. XXIII, Encyclopædia Britannica, 11th Edition.
- ↑ "STRUCTURE OF ARMY", indianarmy.nic.in, अन्तिम पहुँच २२ जनवरी २०२०।