म्याप माई इन्डिया

म्याप माई इण्डियाले अङ्कीय नक्सा आँकडा, दूरसञ्चार आँकडा, स्थानमा आधारित सेवाको रूपमा सफ्टवेयर र भौगोलिक जानकारी प्रणालीका सेवाहरू प्रदान गर्दछ। कम्पनीको स्थापना सन् १९९२ मा भएको थियो। यसको प्रधान कार्यालय भारतको राजधानी नयाँ दिल्लीमा रहेको छ।

म्याप माई इण्डिया

साइटको प्रकार	नक्सा, पथ प्रदर्शन सेवा
संस्थापित	१९९२ (१९९२)
मुख्यालयहरू	नयाँ दिल्ली
सेवा क्षेत्र	भारत, नेपाल, बङ्गलादेश
मालिक	सिई इन्फो सिष्टम्स निजी लिमिटेड
संस्थापक (हरू)	राकेश भर्मा, रश्मी भर्मा
मुख्य व्यक्तिहरू	सिवालिक प्रसाद (निर्देशक), रोशन भर्मा (कार्यकारी), सपना अबुजा (सञ्चालन), अङ्कित भट्ट (, अञ्जु जैन (वित्तीय)
उद्योग	नक्सा आँकडा विश्वव्यापी स्थान निर्धारण प्रणाली पथ प्रदर्शन सफ्टवेयर वे नक्सा
कर्मचारीहरू	१०००+
युआरएल	www.mapmyindia.com

इतिहास

म्याप माई इण्डियाको स्थापना राकेश र रश्मि वर्माले सन् १९९२ मा गरेका थिए। उनीहरूले भारतको नयाँ दिल्लीमा सन् १९९२ मा सिए इन्फो सिस्टम्सको नाममा परियोजनाको सुरुवात गरेका थिए। कम्पनीले वेब नक्सा प्रविधिको विकासमा काम गर्न सुरू गरेको थियो र देशमा अवस्थित सङ्गठनहरूमा बजारशास्त्र र रसद दक्षता अभिवृद्धि गर्नका लागि आवश्यक उत्पादन र सेवाहरू प्रदान गर्दछ।

सन् १९९३ मा कम्पनीले कोका कोला र सेलुलर वनको बजारशास्त्रीय र रसद सञ्चालनलाई समर्थन गर्न विस्तृत स्थान वर्णनको साथ राम्रो गुणस्तरको नक्साको विकास गर्न जिम्मेवारी लिएको थियो।

कम्पनीले सन् २००४ मा पहिलो भारतीय अन्तर्क्रियात्मक अङ्कीय नक्सा पोर्टल "म्याप माई इण्डिया डटकम" सुरू गरेको थियो। यस पोर्टलले नि: शुल्क, अनुकूलन गरिएको स्थानमा आधारित सेवाहरू प्रदान गरेको थियो। सेवाहरू इण्टरनेट जडानको साथ मोबाइल फोनका लागि पनि उपलब्ध छन्। यी सेवाहरू म्याजिक ब्रिक्स म्यापलाई माई इण्डिया पोर्टल मार्फत पनि प्रदान गरिएको थियो। सन् २०१० मा, म्याप माई इण्डियाले स्थान निर्धारण प्रणाली पथ प्रदर्शन सेवाको सुरु गरेको थियो जसलाई रोड पाइलटको नामले चिनिथ्यो र यो भारतीय सहर, गाउँ र गन्तव्यहरूलाई पुनर्निर्धारित रूपमा समेटेको थियो। कम्पनीको नक्साहरू आइएसआरओ उपग्रह चित्रणको साथ उन्नत र उपग्रह दृश्य प्रदान गर्ने हेतु एकीकृत गरिएको थियो।

सन् २०१८ सम्मा, यससँग ५००० उद्यम र ५० लाख भन्दा बढी उपभोक्ताहरू रहेका छन् जसले यसको सेवाहरूबाट लाभ लिन्छन्। श्रीलङ्का, बङ्गलादेश र नेपालको नक्सा सृजना गर्दै म्याप माइ इण्डिया भारतीय उपमहाद्वीपमा विस्तार भएको छ।

उत्पादन तथा सेवाहरू

म्याप माई इण्डियाले पथ प्रदर्शन, विश्लेषण र पछ्याउँदै डेस्कटप र मोबाइल उपकरणहरूको लागि वेब नक्सा सेवाको प्रदान गर्दछ। कम्पनीले उन्नत स्थान निर्धारण प्रणाली अन्तर्गत पछ्याउने उपकरणहरूमा पनि प्रस्ताव गर्दछ। पथ प्रदर्शन सेवाले सडक दृश्य, सार्वजनिक आवतजावत जानकारी र सवारी साधनहरूको लागि बोलिएका निर्देशनहरूको साथ पथ अनुरूपको प्रदर्शन सेवालाई समावेश गर्दछ। यसले पछि अफलाइन पथ प्रदर्शन अनुप्रयोग, नेभि म्याप्सको रूपमा सुरु गरेको थियो जसले अफलाइन भेक्टर आँकडाको उपयोग गर्दछ।

बजार साझेदारी

कम्पनीको पग प्रदर्शन सेवालाई मुख्य रूपमा कार निर्माताहरूले प्रयोग गर्छन् र यसले भारतमा स्थान निर्धारण प्रणाली पथ प्रदर्शनमा ९०% बजार साझेदारी गरेको छ। यसले हाल कम्पनीसँग ५,००० उद्यम ग्राहकहरू भएको र ती ग्राहकहरूले ८०% बजार साझेदारी गरेको दावी गरेको छ।

कोष

म्याप माई इण्डियाले सन् २००७ यता लाइटबक्स भेञ्चर, नेक्सस भेन्चर पार्टनर्स, क्वालकम भेञ्चर्स र जेनरिनबाट तीन चरणमा गरी उद्यम पूँजी कोषमा ३४ मिलियन अमेरिकी डलर जुटाएको थियो। सन् २०१५ मा, फ्लिपकार्टले, कम्पनीको ३४% शेयर १,६०० करोड रुपैयाँमा हासिल गरेको घोषण गरेको थियो।