मोजिक

मोजिक संयुक्त अधिराज्यमा आधारित एक वेब खोज इञ्जिन हो। मोजिकद्वारा प्रदान गरिएको खोज परिणामहरू वेब क्राउलरद्वारा सृजना गरिएको वेब पृष्ठहरूको आफ्नै सूचकाङ्क मार्फत आउने गर्दछ। कम्पनीको प्रधान कार्यालय ब्राइटनमा अवस्थित छ।

मोजिक

साइटको प्रकार	वेब खोज इञ्जिन
उपलब्ध भाषा	अङ्ग्रेजी, फ्रान्सेली, जर्मनेली
मुख्यालयहरू	ब्राइटन, संयुक्त अधिराज्य
मालिक	मोजिक लिमिटेड
सर्जक	मार्क स्मिथ
युआरएल	www.mojeek.com, www.mojeek.co.uk
अलेक्सा क्रम	१९६,७२० (मे १४, २०१९)
चालु भएको मिति	अक्टोबर 2004 (२००४-१०)
वर्तमान स्थिति	चालू

इतिहास

सन् २००४ मा, मोजिक खोज इञ्जिनलाई, ससेक्स इनोभेसन सेण्टरमा मार्क स्मिथद्वारा निजी परियोजनाको रूपमा सुरु गरिएको थियो। खोज प्रविधिले सामान्यतया सी प्रोग्रामिङ भाषाको प्रयोग गरिरहेको छ र यसको प्रारम्भमा सेवकहरू मार्कको शयनकक्षबाट चलाइएका थिए।

लगानी प्राप्त गरिसकेपछि मोजिकलाई आधिकारिक रूपमा सन् २००९ मा सीमित कम्पनीको रूपमा सुरुवात गरिएको थियो।

सन् २००६ मा, पछ्याउने गोपनीयता नीति समावेश नगरिएको यो पहिलो खोज इञ्जिन बनेको थियो। यो नीति हाल सम्म पनि यथावत रूपमा कायम राखेको छ।

२६ जनवरी २०११ मा, यसलाई बेलायतमा आधारित एक वैकल्पिक खोज इञ्जिनको रूपमा,बेलायती इण्टरनेट खोज इञ्जिनको बारेमा चलेको संसदीय बहसको क्रममा " गुगल खोजी नतीजाहरूमा हेरफेर गरेको आरोप, विशेष गरी यसको भुक्तानी गरिएको र प्रायोजित नतीजाहरूको प्रतिकूल व्यवहार"को बारेमा यसलाई प्रकाश पारिएको थियो।

१५ अप्रिल २०१५ मा बीबीसीको वर्ल्ड ग्लोबल कार्यक्रम र रेडियो ५ लाइभले, मोजिकका संस्थापक मार्कलाई मोजिक खोज इञ्जिन र युरोपेली सङ्घको, गुगल विरोधी प्रतिस्पर्धीको कथित व्यवहारको बारेमा उजुरी गर्ने निर्णयको बारेमा कुरा गरेका थिए।

सन् २०१७ मा, इमरेज प्रविधिसँगको साझेदारीमा, मोजिकले उनीहरूको भावनात्मक खोज इञ्जिनको प्रदर्शन सुरू गरेको थियो जसले प्रयोगकर्ताहरूलाई केहि भावनात्मक सामग्री भएका पृष्ठहरूको लागि खोजी गर्न मद्दत पुर्‍याएको थियो।

सन् २०१९ को मे महिनमा सम्ममा, मोजिकको भण्डारले २.३ अरब पृष्ठहरू समावेश गरेको थियो।

सन् २०१३ देखि, मोजिकका सेवकहरू मेडष्टोनमा, संरक्षक आँकडा केन्द्रहरूबाट सञ्चालित छन्।

प्रमुख विशेषता

मोजिक वेब क्राउलरमा आधारित एक खोज इञ्जिन हो जसले स्वतन्त्र खोज परिणामहरू प्रदान गर्दछ। अन्य खोज इञ्जिनहरूबाट उत्पन्न भएका परिणाम तथा सामग्रीहरूको प्रयोग गर्नुको सट्टामा यसले आफ्नै वेब पृष्ठहरूको अनुक्रमणिकको प्रयोग गर्दछ।

लोकप्रियता

सिमिलर वेब

नोभेम्बर २०१९ सम्म, सिमिलर वेबको तथ्याङ्कका अनुसार, यो विश्वव्यापी सर्वाधिक लोकप्रिय वेबसाइटहरूको सूचीमा २,३२,३५८अौँ स्थानमा रहेको छ भने संयुक्त राज्य अमेरिकामा यसको क्रम १,२४,५७६ रहेको छ जसमा यसको उछाल दर ४४.०६% रहेको छ।

अलेक्सा इन्टरनेट

नोभेम्बर २०१९ सम्म, अलेक्सा इण्टरनेटको तथ्याङ्कका अनुसार, यो विश्वव्यापी सर्वाधिक लोकप्रिय वेबसाइटहरूको सूचीमा १,७०,७०३अौँ स्थानमा रहेको छ भने भारतमा यसको क्रम ९०,१६५ रहेको छ।

बाह्य कडीहरू

• आधिकारिक वेबसाइट