मेगाफोन

मेगा फोन (रूसी: МегаФон)(पहिला उत्तर-पश्चिम जीएसएमको रूपमा चिनिने), रुसको दोस्रो मोबाइल फोन सञ्चालक हो र रूसमा तेस्रो सबैभन्दा ठूलो दूरसञ्चार सेवा प्रदायक हो । दूरसञ्चार क्षेत्रमा यसको मुख्य प्रतिस्पर्धीहरू: मोबाइल टेलि सिस्टम (एमटीएस), भिम्पेलकम (बिलाइन) र टेलि २ (रोस दूरसञ्चार) हो र निश्चित-लाइन खण्डमा, रोस दूरसञ्चार र मल्टिरिजनल ट्रान्सिट टेलिकम हुन् । जून २०१२ को अनुसार कम्पनीले ताजिकिस्तानमा १.६ मिलियन र रुसमा ६२.१ मिलियन प्रयोगकर्ताहरूमा सेवा प्रदान गर्दछ । यसको मुख्यालय रुसको राजधानी मस्कोमा रहेको छ । यसका शाखा कार्यलयहरू इरान, उज्बेकिस्तान र ताजिकिस्तानमा पनि रहेको छ । यो खुला संयुक्त पुँजी कम्पनीको रूपमा स्थापना भएको थियोे ।

मेगाफोन

व्यवसाय प्रकार	खुला संयुक्त पुँजी कम्पनी
आइएसआइएन	RU000A0JS942
उद्योग	मोबाइल दूरसञ्चार
स्थापित	मे २००२ (मे २००२)
केन्द्रीय कार्यालय	मस्को, रुस
मुख्य व्यक्ति	Gevork Vermishyan, कार्यकारी अधिकृत (२०१८)
उत्पादनहरू	मोबाइल सञ्जाल, निश्चित-लाइन टेलिफोन सेवा
आम्दानी	$४.७३ बिलियन (२०१६; २०१७)
परिचालन आय	$८५१ मिलियन (२०१६)
खुद मुनाफा	$३८२ मिलियन (२०१६)
कुल सम्पत्ति	$६.८९ बिलियन (२०१६)
कुल इक्विटी	$१.८५ बिलियन (२०१६)
मालिक	युएसएम समूह (५६.३२%) गाजप्रोमबैंङ्क (१८.७९%) एमआइसिएल (३.९२%)
कर्मचारी सङ्ख्या	25,000 (2014)
सहायक कम्पनीहरू	स्वाइनटेरा मिडिया
वेबसाइट	www.megafon.ru

यसले धेरै क्षेत्रीय कम्पनीहरूको अधिग्रहण गरेपछि सन् २००२ मा कम्पनीले आफ्नो नाम, उत्तर-पश्चिम जीएसएमबाट मेगाफोनमा बदलेको थियोे जसले गर्दा यो रुसको सबै क्षेत्रमा सेवा पुर्‍याउने पहिलो दूरसञ्चार सेवा प्रदायक बनेको थियोे । यसको अर्थ मेगा - "ठूलो" र फोन - "टेलिफोन" हुन आउँछ ।

इतिहास

१७ जून १९९३, उत्तर-पश्चिम जीएसएमको दर्ता मिति रहेको थियो अलेक्जेन्डर मलिसिभ कम्पनीका पहिला महाप्रबन्धक थिए । प्रमुख अन्तर्राष्ट्रिय लगानीकर्ताहरूमा स्क्यान्ड्याभियन कम्पनीहरू जस्तै सोनेरा (फिनल्यान्ड), तेलिया अन्तर्राष्ट्रिय एबि (स्विडेन) र टेलिनोर इन्भेस्ट एएस (नर्वे) रहेका थिए र यसलाई नोकियाद्वारा दूरसञ्चार उपकरण आपूर्ति गरिएको थियो । यसले सन् १९९४ मा रुसमा जीएसएम (2 जी) सञ्जालको व्यावसायिक प्रक्षेपण गरेको थियोे ।

१९९९ – कम्पनीमा प्रयोगकर्ताहरूको सङ्ख्या १००,००० भन्दा बढी पुगेको थियोे । यसले रूसको उत्तर-पश्चिमको उत्तरी क्षेत्रहरूमा आफ्नो सेवा सक्रिय रूपमा विस्तार गरेको थियोे । उत्तर-पश्चिम जीएसएमको रूपमा, यो रुसको पहिलो सञ्चालक थियो जसले युरोपको सबै देशहरूमा रोमिङ सम्झौतामा हस्ताक्षर गरेको थियोे ।

२००० – कम्पनीको शेयरधनिहरूले ठूलो बजारमा सेवा दिने योजनाका अनुसार डसले नयाँ रणनीति अपनायो ।

नोभेम्बर २००१ – उत्तर-पश्चिम जीएसएममा प्रयोगकर्ताहरूको सङ्ख्या ५००,००० पुगेको थियोे ।

मे २००२ – उत्तर-पश्चिम जीएसएममा प्रयोगकर्ताहरूको सङ्ख्या १ मिलियन भन्दा बढी पुगेको थियोे ।

मालिक र व्यवस्थापन

कम्पनीलाई सबैभन्दा ठूलो विदेशी लगानीकर्ताहरूद्वारा स्थापित गरिएको थियो: सोनेरा (फिनल्यान्ड), तेलिया अन्तर्राष्ट्रिय एबि (स्विडेन) हाल टेलेनर इन्भेस्ट एएस (नर्वे) सँग समायोजन भइ टेलिया कम्पनीमा आबद्ध भएको छ । दूरसञ्चार उपकरणहरू भने नोकियाबाट खरीद गरिएको थियो ।

मार्च २०१८ सम्म यस कम्पनीको मालिक निम्नानुसार छन्:

• युएसएम समूह - ५६.३२%
• गाजप्रोमबैङ्क - १८.७९%.
• एसआइसिएल - ३.९२%

बाह्य कडीहरू

आधिकारिक वेबसाइट वेब्याक मेसिन अभिलेखिकरण २०१८-११-२५ मिति