दीपा कर्मकार
दीपा कर्मकार (बङ्गाली: দিপা কর্মকার , अङ्ग्रेजी: Dipa Karmakar) (जन्म:९ अगस्ट १९९३) एक कलात्मक जिम्नास्ट हुन् जसले २०१६ ग्रीष्मकालीन ओलम्पिकमा भारतको प्रतिनिधित्व गरिन् । ओलम्पिकमा भाग लिएर प्रतिस्पर्धा गर्ने उनी पहिलो भारतीय महिला जिम्नास्ट हुन्[१][२], र पछिल्लो ५२ वर्षमा यस्तो हर्ने प्रथम भारतीय, पुरुष अथवा महिला, जिम्नास्ट हुन् ।
.jpg)
| व्यक्तिगत जानकारी | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| पुरा नाम | दीपा कर्मकार | ||||||||||||||||
| Nickname(s) | गोल्डेन गर्ल | ||||||||||||||||
| जन्म | ९ अगस्ट १९९३ अगरतला, त्रिपुरा, भारत | ||||||||||||||||
| गृह नगर | अगरतला | ||||||||||||||||
| उचाइ | ४ फिट ११ इन्च | ||||||||||||||||
| खेल | |||||||||||||||||
| राष्ट्र |  India | ||||||||||||||||
पदक कीर्तिमान
| |||||||||||||||||
सन् २०१६ को रियो ओलम्पिक खेलमा उनले १५.०६६ अङ्कका साथ चौथौ स्थान प्राप्त गरेकी थिइन् ।[३] उनले ग्लासगोमा सम्पन्न २०१४ राष्ट्रमण्डल खेलमा कास्य पदक जितेर सबैको ध्यान आफूतर्फ तानेकी थिइन् ।[४] राष्ट्रमण्डल खेलको इतिहासमा यो सफलता हासिल गर्ने उनी पहिलो भारतीय महिला हुन् ।[५]
प्रारम्भिक जीवन र करियर
सम्पादन गर्नुहोस्कर्मकार पूर्वोत्तर भारतको त्रिपुरा राज्यको अगरतला सहरबाट छिन् । उनले ६ वर्षकै कलिलो उमेर देखि नै जिम्नास्टिक्स आरम्भ गरेकी थिइन् र त्यस समयदेखि हालसम्म आफ्नो प्रशिक्षक विश्वेश्वर नन्दीको निर्देशनमा अभ्यास गरिरहेकी छिन् । जिम्नास्टिक्सक कक्षामा भर्ना लिने समयमा दीपा फ्ल्याट फिटको समस्याबाट ग्रस्त थिइन् । प्रशिक्षक नन्दीका अनुसार फ्ल्याट फिटको कारणले दीपाको उफ्राईमा समस्या आइरहेको थियो । यसलाई दुरुस्त पार्न दीपा र उनको प्रशिक्षकको लागि चुनौतीपूर्ण कार्य रह्यो । सन् २००७ मा जलपाईगुडीमा उनले जुनियर नेसनल्स जितिन् । सन् २००७ देखि दीपाले राज्य, राष्ट्रिय र अन्तर्राष्ट्रिय प्रतियोगिताहरूमा समग्रमा ७७ पदक जितिसकेकी छिन् जसमध्ये ६७ स्वर्ण पदक रहेको छ ।[६]
२०१६ ओलम्पिक
सम्पादन गर्नुहोस्दीपाले २०१६ ग्रीष्मकालीन ओलम्पिकमा भारतको प्रतिनिधित्व गरिन् । ओलम्पिकमा भाग लिएर प्रतिस्पर्धा गर्ने उनी पहिलो भारतीय महिला जिम्नास्ट हुन्[१][२], र पछिल्लो ५२ वर्षमा यस्तो हर्ने प्रथम भारतीय, पुरुष अथवा महिला, जिम्नास्ट हुन् ।
यस ओलम्पिकमा उनले फाइनलसम्मको यात्रा तय गर्न सफल भइन् । फाइनलमा उनी झिनो अन्तर (०.१५०)बाट कास्य पदक प्राप्त गर्नबाट असफल भइन् र चौथौ स्थानमा चित्त बुझाउन बाध्य भइन् । उनले अति कठिन मानिने प्रोदुनोभा बोल्टको सफल प्रदर्शन गरिन जसलाई आजसम्म विश्वमा ५ महिला जिम्नास्टले मात्र सफलतापूर्वक गर्न सकेकी छिन् । हुनत उनले कुनै पदक जित्न सफल रहिनन् तर पनि यो उपलब्धिले उनलाई भारतमा प्रसिद्ध बनायो ।[७] भारतका महानतम् क्रिकेट खेलाडी सचिन तेन्दुलकरले भने - जित्नु र हार्नु खेलको एउटा भाग हो । तपाईको यस उपलब्धिले हामीलाई गौरवान्वित गराएको छ ।[७] बेइजिङ ओलम्पिकमा स्वर्ण पदक जितिसकेका भारतीय निशानेबाज अभिनव बिन्द्राले भने - दीपा कर्मकार तपाई मेरो हिरो हो ।[७]
सन्दर्भ सामग्रीहरू
सम्पादन गर्नुहोस्- ↑ १.० १.१ "Dipa Karmakar becomes 1st Indian woman gymnast to qualify for Rio Olympics", The Economic Times, Press Trust of India, १९ अप्रिल २०१६, अन्तिम पहुँच ११ अगस्त २०१६।
- ↑ २.० २.१ Naik, Shivani (१८ Apr २०१६), "Dipa Karmakar becomes first Indian woman gymnast to qualify for Olympics", The times of india, अन्तिम पहुँच ११ अगस्त २०१६।
- ↑ Simone Biles of USA wins Gold in Women's Vault Gymnastics
- ↑ Naik, Shivani (२४ अगस्ट २०१४), "After a flight, a landing: Why Dipa Karmakar’s medal in Commonwealth Games is its bravest bronze", The Indian Express, अन्तिम पहुँच १३ अप्रिल २०१६।
- ↑ "Glasgow 2014 - Dipa Karmakar profile", Glasgow 2014 Ltd, अन्तिम पहुँच ३१ जुलाई २०१४। वेब्याक मेसिन अभिलेखिकरण ३ मार्च २०१६ मिति
- ↑ "Tripura's Dipa Karmakar says she is aiming for an Olympic Medal", BDNews24, ६ नोभेम्बर २०१५, अन्तिम पहुँच १२ अगस्त २०१६। वेब्याक मेसिन अभिलेखिकरण ८ अगस्ट २०१८ मिति
- ↑ ७.० ७.१ ७.२ "दीपा कर्मकार का फैन हुआ क्रिकेट जगत, सहवाग बोले - धोनी हेलीकॉप्टर, तुम जम्बोजेट", अन्तिम पहुँच १८ अगस्त २०१६। वेब्याक मेसिन अभिलेखिकरण २०१६-०८-१८ मिति
