चुमाऔन

बडादशैंको कोजाग्रत पूर्णीमाका दिन तराईका मैथिल ब्राह्मण जातिमा चुमाऔन मनाइन्छ । उक्त जातिमा कोजाग्रत पूर्णीमाका दिन नवविवाहित दुलाहाको मुख हेर्ने विधिका रूपमा चुमाऔन गर्ने प्रचलन छ । मैथिल ब्राह्मणहरूमा नवविवाहित दुलाहालाई विशेष परिकारहरूसहित दुलही पक्षधरहरू दुलाहाकै घरमा भेट्न जाने परम्परा कोजाग्रत पूर्णीमाका दिन चुमाऔन विधिसँग जोडिएको छ । चुमाऔन विधिमा हैसियतअनुसार विभिन्न मिष्ठान्न पकवानहरू, लत्ताकपडा, गरगहना दुलहालाई भेट दिने प्रचलन रहेपनि यस विधिमा पोखरी तलाउमा फल्ने एक प्रकारको फल मखन, पान र सुपारीको भने विशेष महत्त्व रहने गरेको छ । चुमाऔन विधि सकिएपछि इष्टजनहरूलाई निम्त्याएर विशेष परिकारहरू खुवाउने प्रचलन मैथिल ब्राह्मणहरूमा छ ।

चुमाऔन
मिति	आश्विन शुक्ल पूर्णिमा (कोजाग्रत पूर्णीमा)