एशियन लाईफ इन्स्योरेन्स कम्पनी लिमिटेड (ALICL) काठमाडौँ नेपालमा प्रधान कार्यालय भएको एक जीवन बीमा कम्पनी हो । कम्पनी ऐन २०५३ अन्तर्गत २७ फेब्रुअरी, २००८ (फाल्गुन १५, २०६४) मा स्थापना भएको थियो र कारोबार ३ अप्रिल, २००८ (चैत्र २१, २०६४) मा सुरु भएको थियो।[३] कम्पनीको अधिकृत पूँजी रू. ५ अर्बसहित रु. २.९ अर्ब चुक्ता पूँजी (६० प्रतिशत प्रवर्द्धक र ४० प्रतिशत सार्वजनिक शेयर।) एशियन लाईफ इन्स्योरेन्स कम्पनीको जीवन कोष रु. ३४ अर्ब (पुस २०७९-८०)। कम्पनीका ९३ प्रमोटर : २ संस्थागत र बाँकी ९१ व्यक्तिगत प्रमोटर छन् ।
२०१७ अक्टोबरमा इक्रा नेपालले ग्रेड ४+ को रेटिङ प्रदान गरेको थियो । [६][७]
२०१९ मा हकप्रद शेयर निष्काशन को लागी कियर रेटिङ्स नेपाल लिमिटेड बाट गरेको क्रेडिट रेटिङमा "कियर रेटिङ आइपिओ ग्रेड ३" प्रमाणपत्र प्राप्त गरेको थियो । "कियर रेटिङ आइपिओ ग्रेड ३" ले औसत आधारहरू जनाउछ । किअर रेटिङ्स नेपालाले १ देखी ५ प्वाइन्ट रेटिङ्स प्रदान गर्दछ । जसमा ग्रेड १ ले बलियो आधार जनाउँछ भने ग्रेड ५ ले कमजोर आधारहरू जनाउँछ । ग्रेड २, ३ र ४ मा प्रयोग गरिने + प्लस (Plus) चिन्हले यस समुहका तुलनात्मक सकारत्मक स्थितिलाई जनाउँछ ।
एशियन लाईफको प्रभु बैंकमा ८० लाख ३७ हजार ९२२ कित्ता शेयर रहेको छ । कम्पनिसँग ७,४९७,७६२ कित्ता प्रमोटर शेयर र ५४०,१६० कित्ता साधारण शेयर गरी कुल ८,०३७,९२२ कित्ता शेयर रहेको छ ।[८] एशियन लाईफको शेयर हिस्सा ३.४१ प्रतिशत रहेको छ । [९]
आश्विन २०८० मा यती होल्डिङ्गस अन्तर्गतको यती एयरलाइन्स लिमिटेडको ४९ प्रतिशत हिस्सा शेयर स्वामित्व लिएर एशियन लाइफ इन्स्योरेन्स हवाई सेवामा समेत प्रवेश गरेको छ । एशियन लाइफले १ अर्ब ७० करोड रुपैयाँ लगानी गर्न नेपाल बीमा प्राधिकरणबाट भदाै १२ मा सैद्धान्तिक सहमति पाएको थियो ।[१०]
रु. ९.४७ अर्ब [१] (२०७८/७९)
