"जनसङ्ख्या" का संशोधनहरू बिचको अन्तर

पुरुषको संख्या ४८ दशमलव ५६ र महिलाको ५१ दशमलव ४४ प्रतिशत रहेको विभागले जनाएको छ । दस वर्षअघि देशको जनसंख्या कुल २ करोड ३१ लाख ५१ हजार हुँदा पुरुष ४९ र महिला ५१ प्रतिशत थिए । बढ्दो वैदेशिक रोजगारीका कारण पनि महिलाको संख्या बढेको हुन सक्ने विश्लेषकहरूले बताए ।

 

 

विभागले कुल जनसंख्याको ५० दशमलव १५ प्रतिशत तराईमा, ४३ दशमलव ११ प्रतिशत पहाडमा र हिमाली क्षेत्रमा ६ दशमलव ७४ प्रतिशत जनसंख्या बसोबास रहेको जनाएको छ । क्षेत्रका आधारमा सबैभन्दा बढी मध्यमाञ्चलमा ३६ दशमलव ५ प्रतिशत र सबैभन्दा कम ९ दशमलव ६ प्रतिशत जनसंख्या सुदूरपश्चिममा छ । १७ प्रतिशत सहरी र ८३ प्रतिशत ग्रामीण जनसंख्या छ । अधिकांश हिमाली र पूर्वी पहाडका जिल्लामा जनसंख्या घटेको र तराईका बढेको पाइएको छ ।

मुलुकको जनघनत्व प्रतिवर्ग किलोमिटर औसत १ सय ८१ व्यक्ति छ । जिल्लागत आधारमा सबैभन्दा बढी जनसंख्या काठमाडौंमा १७ लाख ४१ हजार र मनाङमा सबैभन्दा कम ६ हजार ५ सय २७ छ ।

 

 

तथ्यांकअनुसार विदेशमा रहेका नेपालीको संख्या १९ लाख १७ हजार छ । यसलाई कुल जनसंख्यामा समावेश गरिएको छैन ।

दस वर्षअघि विदेशमा ७ लाख ६२ हजार नेपाली थिए । गणनाको परिभाषाभित्र नपरेकाले उनीहरूलाई कुल जनसंख्यामा नसमेटिएको निर्देशक सुवालले बताए । ६ महिनाभन्दा बढी समय बसोबास गरेका बासिन्दालाई मात्र गणनामा सम्बद्ध ठाउँबाट समेटिएकाले विदेशिएका लागि समावेश नगरिएको हो । विदेशिएकामध्ये ग्रामीण क्षेत्रका ८६ दशमलव ३८ प्रतिशत र सहरी क्षेत्रका १४ दशमलव ६२ प्रतिशत छन् ।

 

 

केन्द्रीय तथ्यांक विभागले गत असार ३ देखि १३ गतेभित्र देशभर एकसाथ लिएको एघारौं राष्ट्रिय जनगणनाको प्रारम्भिक नतिजा मंगलबार सार्वजनिक गरेको हो ।