भिसा इङ्क.

भिसा इंक. एक अमेरिकी बहुराष्ट्रिय भुक्तानी कार्ड सेवा संस्था हो ।यसको  मुख्यालय सान फ्रान्सिस्को, क्यालिफोर्नियामा छ। यसले विश्वभर प्राय: भिसा-ब्रान्डेड क्रेडिट कार्ड, डेबिट कार्ड र प्रिपेड कार्ड मार्फत इलेक्ट्रोनिक पैसा स्थानान्तरणको सुविधा दिन्छ। भिसा संसारको सबैभन्दा मूल्यवान कम्पनीहरु मध्ये एक हो।

Visa 2021

भिसाले वित्तीय संस्थाहरूलाई भिसा-ब्रान्डेड भुक्तानी प्रडक्ट प्रदान गर्दछ जसबाट उनीहरूले आफ्ना ग्राहकहरूलाई क्रेडिट, डेबिट, प्रिपेड र नगद पहुँच कार्यक्रमहरूको सुबिधा प्रदान गर्छन् भिसाले कार्ड जारी गर्दैन, क्रेडिट विस्तार गर्दैन वा उपभोक्ताहरूको लागि दर र शुल्कहरू सेट गर्दैन। २०१५ मा , निल्सन रिपोर्ट ( क्रेडिट कार्ड उद्योगलाई ट्र्याक गर्ने   एक प्रकाशन) अनुसार भिसाको ग्लोबल नेटवर्क ( VisaNet भनेर चिनिन्छ) २०१४ मा १०० बिलियन कारोबार सम्पन्न गर्‍यो जसको मूल्य ६.८ ट््रीलियन अमेरिकी डलर थियो ।

भिसा १९५८ मा मा बैंक अफ अमेरिका द्वारा BankAmericard क्रेडिट कार्ड प्रोग्रामको रूपमा स्थापना गरिएको थियो। प्रतिस्पर्धी मास्टर चार्ज (अहिले मास्टरकार्ड ) को प्रतिक्रियामा, बैंक अफ अमेरिका ले १९६६ मा अन्य वित्तीय संस्थाहरूलाई BankAmericard प्रोग्राम लाइसेन्स दिन थाल्यो ।    त्यसपछि सन् १९७६ मा यसलाई भिसा नाम दिइएको थियो

भिसा विश्वको दोस्रो ठूलो कार्ड भुक्तानी संस्था हो। २०१५ मा चाइना युनियनपे भिसालाई उछिनेर ठूलो कार्ड भुक्तानी संस्था बन्यो । यद्यपि, युनियनपे मुख्यतया चीनको घरेलु बजारको आकारमा आधारित भएको हुनाले, भिसा अझै पनि बाँकी विश्वमा प्रमुख बैंककार्ड कम्पनी मानिन्छ, जहाँ यसले कुल कार्ड भुक्तानीको ५०% बजार हिस्सा लिएको छ ।

आलोचना र विवाद