पारलैङ्गिक पहिचानको रोगिकरण विरुद्धको अन्तर्राष्ट्रिय कार्य दिवस

पारलैङ्गिक पहिचानको रोगिकरण विरुद्धको अन्तर्राष्ट्रिय कार्य दिवस सन् २००९ देखि मनाउँदै आएको हो । स्पेनी सन्दर्भबाट सुरु भएको यो दिवस आजको दिनमा विश्वव्यापी बन्न पुगेको छ । यस दिवसको मुख्य उद्देश्य नै पारलैङ्गिक पहिचानको रोगिकरणलाई उन्मुलन गर्न हो ।

पारलैङ्गिक पहिचानको रोगिकरण विरुद्धको अन्तर्राष्ट्रिय कार्य दिवस
आवृत्ति	वर्षेनी अक्टोबर २२
उद्घाटन	विश्वमा २००९ (2009), नेपालमा २०२०

सफलता

सन् २०१९मा ७२औँ विश्व स्वास्थ्य सभामा विश्व स्वास्थ्य संगठनले रोगहरूको अन्तर्राष्ट्रिय वर्गिकरण - ११औँ संसोधन (आइ.सि.डि-११) औपचारिक रूपमा अपनाएर मानसिक र व्यवहार सम्बन्धीको विकार अध्यायबाट पारलैङ्गिक पहिचानसँग सम्बन्धित वर्गिकरणहरू हटाए ।

नेपालमा

नेपालमा सन् २०२० देखि यो दिवस मनाउन सुरु भएको थियो । विभिन्न संघसंस्थाहरूले नेपालको नागरिकता ऐन संसोधन विधयकले पारलैङ्गिक पहिचानलाई रोगिकरण गर्ने प्रावधान समेटिएकोमा विरोध जनाएका थिए ।