तारकेश्वर नगरपालिका
तारकेश्वर नगरपालिका नेपालको मध्यमाञ्चल विकास क्षेत्र अन्तर्गत बागमती अञ्चलमा पर्ने काठमाडौँ जिल्लामा अवस्थित एक नगरपालिका हो।[२][३] स्थानीय विकास मन्त्रालयले थप ६१ वटा नयाँ नगरपालिका थप्दा काठमाडौँ जिल्लामा साङला, जितपुरफेदी, काभ्रेस्थली, धर्मस्थली, गोलढुंगा, मनमैंजु र फुटुङ यी ७ गाउँ विकास समितिहरूलाई समेटेर तारकेश्वर नगरपालिका घोषणा गरिएको हो।[३][४] तारकेश्वर नगरपालिकाको केन्द्रभने साविक धर्मस्थली गाविसको कार्यलय रहेको स्थान रहको छ।[२] नगरपालिकाको घोषणा र क्षेत्रविस्तारसँगै मुलुकमा १ महानगरपालिका, ११ उपमहानगरपालिका, १ सय ७९ नगरपालिका र ३ हजार २ सय ७८ गाविस कायम भएका छन्। नयाँ नगरपालिका थपिएपछि नेपालको सहरी जनसङ्ख्याको प्रतिशत ३६ दशमलव ८ पुगेको मन्त्रालयले जनाएको छ।[४]
तारकेश्वर नगरपालिका | |
---|---|
देश | नेपाल |
विकास क्षेत्र | मध्यमाञ्चल |
अञ्चल | बागमती अञ्चल |
जिल्ला | काठमाडौँ जिल्ला |
स्थापना | मंसिर २०७१ |
क्षेत्रफल | |
• जम्मा | ३४.९ किमी२ (१३.५ वर्ग माइल) |
जनसङ्ख्या | |
• जम्मा | ८१,४४३ |
• घनत्व | २३००/किमी२ (६०००/वर्ग माइल) |
समय क्षेत्र | युटिसी+५:४५ (नेपालको प्रमाणिक समय) |
क्षेत्रीय सङ्केत | +९७७-१ |
वेबसाइट | www |
जनसङ्ख्या सम्पादन गर्नुहोस्
तारकेश्वर नगरपालिका साविकका साङला, जितपुरफेदी, काभ्रेस्थली, धर्मस्थली, गोलढुंगा, मनमैंजु र फुटुङ गाविसहरू मिलेर बनेको हो। त्यसैले राष्ट्रिय जनगणना २०६८ अनुसार यी ७ गाविसहरूको जनसङ्ख्यालाई जोड्दा तारकेश्वर नगरपालिकाको कूल जनसङ्ख्या ८१,४४३ हुन्छ।[१]
पर्यटकीय सम्भावना सम्पादन गर्नुहोस्
शिवपुरी राष्ट्रिय निकुञ्जको काखमा रहेको यो नगरपालिका पश्चिममा नुवाकोटको ओखरपौवा गाविस, पूर्वमा टोखा नगरपालिका र दक्षिणमा काठमाडौँ महानगरपालिका अवस्थित छ। नगरपालिकाको नामाकरण गरिएको तारकेश्वर महादेव धार्मिक स्थल साथै पर्यटकीइ थलो पनि हो। शिवपुरी राष्ट्रिय निकुञ्जभित्र रहेको यो स्थल २ हजार मिटरभन्दा उच्च स्थानमा छ।
सन्दर्भ सामग्रीहरू सम्पादन गर्नुहोस्
- ↑ १.० १.१ "नेपालको राष्ट्रिय जनगणना २०६८ (गाविस तह)", राष्ट्रिय योजना आयोग, नेपाल सरकार, नोभेम्बर २०१२, अन्तिम पहुँच नोभेम्बर २०१२। वेब्याक मेसिन अभिलेखिकरण २०१५-०२-१३ मिति
- ↑ २.० २.१ "स्थानीय प्रशासन र सामुदायिक विकास कार्यक्रम", स्थानीय विकास मन्त्रालय, मंसिर, अन्तिम पहुँच मंसिर २०७१।
- ↑ ३.० ३.१ "६१ नयाँ नगरपालिका घोषणा", हिमाल खबरपत्रिका, १६ मंसीर २०७१, अन्तिम पहुँच १६ मंसीर।
- ↑ ४.० ४.१ "फेरि थपिए सात उपमहानगर, ६१ नगरपालिका", नागरिक दैनिक, नागरिक दैनिक, १७ मंसिर, २०७१, अन्तिम पहुँच १७ मंसिर।
बाह्य कडीहरू सम्पादन गर्नुहोस्
यो पनि हेर्नुहोस सम्पादन गर्नुहोस्
नेपालको स्थान सँग सम्बन्धित यो लेख अपुरो छ। तपाईं यस लेखलाई बढाएर विकिपिडियालाई सहायता गर्न सक्नुहुन्छ। |