इलाम–२ उपनिर्वाचन, २०८१

वि.सं. २०८१ वैशाख १५ मा नेपालको इलाम निर्वाचन क्षेत्र नं. २ मा उपनिर्वाचन सम्पन्न भएको थियो। नेकपा (एमाले)का रहेका सुवासचन्द्र नेम्वाङको निधन भएपछि रिक्त रहेको स्थानमा उप-निर्वाचन भएको थियो। यस उपनिर्वाचनमा नेकपा (एमाले) तथा सुवासचन्द्र नेम्वाङका छोरा सुहाङ नेम्वाङ, नेपाली काङ्ग्रेसका डम्बर खड्का, राष्ट्रिय स्वतन्त्र पार्टीका मिलन लिम्बू, पहिचानवादीको समर्थनमा स्वतन्त्र उम्मेदवारी दिएका डकेन्द्र सिंह थेगिम गरि विभिन्न दल तथा स्वतन्त्र उम्मेदवार गरि २० जनाको उम्मेदवारी परेको थियो। बझाङ १ (क) प्रदेश सभा सदस्यको उपनिर्वाचनसँगै निर्वाचन सम्पन्न भएको थियो। नेकपा (एमाले)का उम्मेदवार सुहाङ नेम्वाङ यस उप निर्वाचनमा २७,७७२ मत ल्याएर निर्वाचित भएका थिए।

इलाम-२ उप निर्वाचन २०८१

१५ वैशाख २०८१
प्रतिनिधि सभामा इलाम २ निर्वाचन क्षेत्र
कुल मतदान	५७%
उम्मेदवार सुहाङ नेम्वाङ डम्बरबहादुर खड्का डकेन्द्र सिंह थेगिम दल नेकपा (एमाले) नेपाली काङ्ग्रेस स्वतन्त्र जम्मा मत २७,७७२ २१,९४२ ११,४५७ प्रतिशत ४०.५६% ३२.०५% १६.७३%
कोशी प्रदेशमा इलाम २
अघिल्लो निर्वाचनमा निर्वाचित सांसद सुवासचन्द्र नेम्वाङ नेकपा (एमाले) निर्वाचित सांसद सुहाङ नेम्वाङ नेकपा (एमाले)

पृष्ठभूमि

प्रतिनिधि सभा निर्वाचन, २०७९मा एमालेका उम्मेदवार रहेका सुवासचन्द्र नेम्वाङले निकटतम प्रतिद्वन्द्वी रहेका नेपाली काङ्ग्रेसका डम्बर खड्कालाई ११४ मतान्तर सहित पराजित गरेका थिए। नेम्वाङले ३०,०२० मत ल्याउँदा खड्काले २९,९०६ मत प्राप्त गरेका थिए। २४ भदौ २०८० मा, हृदयाघातका कारण नेम्वाङको निधन भएको थियो। सोही रिक्त रहेको पदमा उप निर्वाचन सम्पन्न भएको थियो। यो निर्वाचन क्षेत्र १ लाख १५ हजार ८८ मतदाता रहेका छन् भने उप निर्वाचनमा ६६ हजार मत खसेको थियो जुन कुल मतको ५७% हो।

नतिजा

उम्मेदवार		दल	मत	%	+/–
	सुहाङ नेम्वाङ	नेकपा (एमाले)	२७,७७२	४०.५६	-४.८
	डम्बरबहादुर खड्का	नेपाली काङ्ग्रेस	२१,९४२	३२.०५	-१३.१४
	डकेन्द्र सिंह थेगिम	स्वतन्त्र	११,४५७	१६.७३	नयाँ
	मिलन लिम्बू	राष्ट्रिय स्वतन्त्र पार्टी	५,०५०	७.३८	+५.२९
	मणिकुमार लिम्बू	मङ्गोल नेसनल अर्गनाइजेसन	८१६	१.१९	-०.८७
	अन्य		१,४३५	२.१	-३.२१
जम्मा			६८,४७२	१००	–
वैध मतहरू			६८,४७२	९८.७
अवैध/रिक्त मतहरू			९०२	१.३
जम्मा मत			६९,३७४	१००
दर्ता भएका मतदाता/मतदान			११५,८८९	५९.८६
बहुमत			५,८३०
	नेकपा (एमाले) विजयी
स्रोत: