लिटिल मिक्स

लिटिल मिक्स सन् २०११ को बेलायती संस्करणको वास्तविक दूरदर्शन गायन प्रतियोगिता "द एक्स फ्याक्टर"मा बनेको एक युवती साङ्गीतिक समूह हो। पहिलोपटक प्रतियोगिता जित्ने यो पहिलो समूह पनि हो। उनीहरूको जित पश्चात्, समूहले साइमन कावलको रेकर्ड लेबल साइको सङ्गीतसँग हस्ताक्षर गरेका थिए र विजेताको रूपमा डामिएन राइसको "क्याननबल" नामक गीतको वैकल्पिक संस्करण जारी गरेका थिए। समूह तिनीहरूको बलियो आवाज र लयका लागि प्रख्यात छन्। उनीहरूको महिला सशक्तीकरण र एकताका लागि प्रस्तुतिकरणलाई रूचाइएको छ। सफल मानिएको यस युवती साङ्गीतिक समूहमा जेड थ्रिलवाल, पेरी एड्वड्स, लेइघ एनी पिन्नोक र जेसी नेलसन गरी चार जना रहेका छन्।

लिटिल मिक्स
नोभेम्बर २०१७ मा, लिटिल मिक्स उनीहरूको द ग्लोरी डेज भ्रमणको बेलामा स्कटल्यान्डमा प्रस्तुति दिँदै बायाँ देखि दायाँ सम्म: जेड थ्रिलवाल, जेसी नेलसन, पेरी एड्वड्स र लेइघ एनी पिन्नोक
व्यक्तिगत विवरण
उत्पत्ति	लन्डन, इङ्ल्यान्ड
विधा	पप आर र बी नृत्य-पप
सक्रिय वर्ष	सन् २०११–हाल
लेबल	साइको कोलम्बिया आरसिए
सहयोगी	कामिले
वेबसाइट	little-mix.com
सदस्यहरू
जेसी नेलसन लेइघ एनी पिन्नक जेड थ्रिलवाल पेरी एड्वड्स

लिटिल मिक्सले उनीहरूको पहिलो गिती सङ्गालो डिएनएलाई सन् २०१२ मा जारी गरेका थिए जसले १० वटा देशहरूमा सहित बेलायत र अमेरिकामा शीर्ष १० मा पुग्न सफल भएको थियो। समूहले स्पाइस गल्सको पहिलाको किर्तिमानी पनि भङ्ग गरेको थियो। समूहको दोस्रो गिती सङ्गालो सालुट (सन् २०१३), दुबै बेलायत र अमेरिकाको चार्टमा शीर्ष १० मा पर्न सफल दोस्रो गिती सङ्गालो बनेको थियो। उनीहरूको तेस्रो गिती सङ्गालो गेट वियर्ड सन् २०१५ मा जारी गरिएको थियो र यसले बेलायतमा दोहोरो प्लाटिनम प्रमाणपत्र प्राप्त गरेको थियो। उनीहरूको चौथो गिती सङ्गालो ग्लोरी डेज (सन् २०१६) बेलायती चार्टमा शीर्ष स्थानमा पर्न सफल भएको थियो भने यसले सबैभन्दा लामो समयसम्म शीर्ष स्थानमै रहन सफल भएको थियो। उक्त गिती सङ्गालोलाई बेलायती ध्वन्यात्मक उद्योगले तेब्बर प्लाटिनम प्रमाणित गरेको थियो र यो उक्त दशकको सबैभन्दा बढी बिक्री भएको प्रस्तुति थियो जसमा यसले बेलायतीमा मात्रै १० लाख प्रतिलिपीहरू बिक्री गर्न सफल भएको थियो। बेलायतमा, समूहका चारवटा गीतहरू शीर्ष स्थानमा परेका छन् जसमा "विङ्स", "ब्ल्याक म्याजिक" र "शट आउट टु माइ एक्स" समावेश छन्।उनीहरूको पाँचौँ गिती सङ्गालो एलएम५ सन् २०१८ मा, जारी गरिएको थियो भने यसले राम्रो समीक्षा प्राप्त गर्नुका साथसाथै स्वर्ण प्रमाणपत्र पनि प्राप्त गरेको थियो। समूहले हाल सम्म ५ करोड भन्दा बढी सामग्रीहरू बिक्री गरिसकेको छ जसले गर्दा यसलाई सर्वाधिक बिक्री गराउन सफल साङ्गीतिक समूहको रूपमा पनि लिइन्छ।

पुरस्कारको कुरा गर्दा समूहले "शट आउट टु माइ एक्स"का लागि सन् २०१७ को ब्रिट पुरस्कार प्राप्त गरेको थियो र यसले "वुमन लाइक मी"बाट सन् २०१९ को ब्रिट पुरस्कारमा, बेलायती श्रव्य दृश्य पुरस्कार प्राप्त गरेको थियो। उनीहरूले हालसम्म विभिन्न पुरस्कारहरूका लागि नामकरण प्राप्त गरेका छन् जसमा ३ पटक एकटिभी युरोप सङ्गीत पुरस्कार, २ वटा टिन च्वाइस पुरस्कार, ५ वटा ग्लोबल पुरस्कार, २ वटा ग्लामर पुरस्कार र ९ वटा बेलायती पुरस्कार समावेश छन्। उनीहरूको ग्लोरी डेज र गेट वियर्ड भ्रमण सबै समयको युवती साङ्गीतिक समूहको लागि क्रमशः पाँचौँ र आठौँ सर्वाधिक कमाई गर्ने भ्रमण हो। अगस्ट २०१८ सम्ममा, समूहले बेलायतमा चार प्लाटिनम प्रमाणित गिती सङ्गालो र सोह्र प्रमाणित एकल गीतहरू हासिल गरेको थियो। लिटिल मिक्स डेब्रेटको सन् २०१७ को सूचीमा बेलायतमा सबैभन्दा प्रभावशाली व्यक्तिहरूको सूचीमा देखा परेका थिए र सन् २०१७ पछि लगातार तीन वर्षसम्म धनी व्यक्तिहरूको सूचीमा पनि सूचीकृत छन्।

बाह्य कडीहरू

• आधिकारिक वेबसाइट