राम शाह

राम शाह गोरखा राज्यका चौथो शाह वंशीय राजा हुन् । उनी राजा पुरेन्द्र शाहका छोरा र राजा छत्र शाहका भाइ हुन् । दाजु छत्र शाहको पद परित्यागमा यिनी राजा घोषित भएका हुन्। उनको शासन कालमा वि.सं.१६६३ देखी १६९० सम्म ३७ वर्ष चलेको थियो । उनले स्वस्ति श्री गिरिराज चक्रचुडामणि नारायणेत्यादी विविध विरूद्धवली विराजमान मनोनत श्रीमन्त महाराजधिराज को उपाधि धारण गरेका थिए। उनले आफ्नो राज्यमा ढक, तराजु, माना, मुरि, दाम, पैसाको प्रचलन र जिन्सिमा २५ प्रतिशत र नगदमा १० प्रतिशत भन्दा बढी ब्याज लिन नपाउने चलन चलाए । पानी, पँधेरो, कुलो आदिको प्रयोग पालैसँग गर्ने चलन चलाए । राम शाहको न्याय पृयताले गर्दा न्याय नपाए गोर्खा जानू भन्ने उक्ति चलेको थियो । उनका अनेकौं प्रजा हितकारी कामले गर्दा केहि छिमेकी राज्य राम शाहको प्रशासनिक कौशलबाट प्रभावित भइ गोरखामा मिल्न गएका थिए भने उनका सुधारका काम छिमेकी राज्यलाई प्रेरणा बनेको थियो । यिनी नेपालका राष्ट्रिय विभूति हुन्। यिनको मृत्यु सन् १६३६ (वि.सं. १६९३) मा गोरखा दरबारमा भयो।

राम शाह
गोरखाको राजा
शासनकाल	वि.सं. १६६३ - १६९०
पूर्वाधिकारी	छत्र शाह
उत्तराधिकारी	डम्बर शाह
जन्म	गोरखा दरबार
मृत्यु	वि.सं. १६९०
सन्तान	डम्बर शाह
नाम स्वस्ति श्री गिरिराज चक्रचुडामणि नारायणेत्यादी विविध विरूद्धवली विराजमान मनोनत श्रीमन्त महाराजधिराज राम शाह
वंश	शाह वंश
बाबु	पुरेन्द्र शाह
धर्म	हिन्दू

पूर्वाधिकारी छत्र शाह

गोरखाको राजा सन् १६०६ – १६३३

उत्तराधिकारी  डम्बर शाह