"नामकरण संस्कार" का संशोधनहरू बिचको अन्तर

सामान्यतया न्वारान भनिने यो चलन शिशु जन्मेको ११ औं दिनमा गर्ने गरिन्छ । परापूर्वकालदेखि शास्त्रमा बताइए अनुसार शिशु जन्मेको १० औं दिनसम्मलाई वृद्धि सूतक मानिन्छ र ११ औं दिनमा यो संस्कार गर्ने चलन छ । कर्मकाण्ड ज्ञाता विद्वान्हरू यो संस्कार शुभ नक्षत्र वा शुभ दिनमा गर्नु उचित मान्छन् । नामको हाम्रो जीवनमा धेरै महत्त्व हुन्छ । नामबाट नै व्यक्तित्वको विकास र प्रभाव हुने भएकोले नामको ठुलाे महत्व रहेको छ । ज्योतिष शास्त्रले नामकै आधारमा भविष्यको रूपरेखा तयार गर्दछ । हिन्दू वैदिक विधानमा शिशुको जन्म तिथि, घडी, पला, नक्षत्र, समय र स्थान आदिलाई आधार मानेर नामकरण गर्ने चलन रहेको छ ।