"कुमार षष्ठी" का संशोधनहरू बिचको अन्तर

शिवपुत्र कुमारको जन्मोत्सव ज्येष्ठ शुक्ल षष्ठी तिथिका दिनलाई हिन्दुहरू कुमार षष्टि पर्वको रूपमा मनाउछन|यस पर्वका सम्बन्धमा विभिन्न किंवदन्ती छन्। कुमारषष्ठी पर्व कहिलेदेखि सुरू भयो र यसको विशेषताका सम्बन्धमा केही ग्रन्थमा यसरी उल्लेख गरेको पाइन्छ- मार्कण्डेय शिव पुराणअनुसार यो ६ वटा शिरसहितका कर्तिकेय कुमारको ज्येष्ठ महिनाको शुक्ल पक्षको षष्ठीका दिन श्री शङ्कर भगवान् शिवजीका ज्येष्ठ पुत्र श्री कार्तिकेय कुमारको जन्म भएको हुँदा त्यस दिनलाई कुमारषष्ठी भन्न थालिएको हो।यो चाड मातृदेवीभन्दा पीतृ देव अर्थात पुरुषदेवको पर्व हो।कुमार वा कार्तिकेयलाई अमरकोशको प्रथमकाण्डम्, स्वर्गवर्गमा १७ विभिन्न नामले सम्बोधन गरिएको छ जस्तो स्कन्द, महासेना, कार्तिकेय, विशाख, गुह, शिखिवाह, षन्मुख, षडानन, अग्निसुत, गङ्गासुत, पार्वतीसुत, शक्तिधर, क्रौञ्चधर, सेनापति, बालस्वामी, षान्मातुर तथा सुमित्र आदि। यी कुमारको लक्षणमा छ मुख भई चारबाहु, शिरमा मुकुट लाएको, रक्ताम्बरधारी, मयूरवाहन, सर्वभूषण रहेको छ। यस्तै यिनको दायाँ बाँया बाहुमा कुक्कट र घण्टा दायां बाहुमा वैजयन्ती र शक्ति रहेको छ। ▼