"भीमबहादुर थापा" का संशोधनहरू बिचको अन्तर

पछि साथीभाइहरूसँग हिमचिम बस्दै जाँदा पैसा बचाउने नयाँ उपाय पनि सिके । त्यसबेला वीरधारामा मात्र पानी आउँथ्यो । यस्ता धारा सीमित थिए र राती १२ बजेपछि मात्र खुल्थे । त्यसैले मध्यरातमा चेलीबेटीहरू पानी भर्न जान असुरक्षित अनुभव गर्थे । र, दिनमा दुई गाग्री पानी ल्याइदिने सर्तमा डेरा सित्तैँमा दिइन्थ्यो । पछि यही सिको गरेर उनी पनि डेराभाडा मुक्त भएर झन् किफायती रूपमा बस्न थाले ।

 

उनी यति फुर्सदिला भए, टुँडिखेलमा पलेँटी कसेर मुखमा सुर्ती हाल्दै तरुनीका गफमा रुमल्लिन्थे । त्यस समयतिर फर्केर हेर्दा थापालाई अहिले पनि एक किसिमको मात लाग्छ । "हामी सुर्ती पड्काउँदै गफ चुट्थ्यौँ," उनी भन्छन् । तर, फेर िउनको हातबाट कहिल्यै बन्दुक पड्किएन ।