लोकेन्द्रबहादुर चन्द

लोकेन्द्र बहादुर चन्द नेपालका राजनीतिज्ञ तथा नेपालका भूतपूर्व प्रधानमन्त्री हुन्। उनी साहित्यकारका रूपमा पनि परिचित छन्।

लोकेन्द्र बहादुर चन्द
नेपालका २७औँ प्रधानमन्त्री
कार्यकाल वि.सं. २०५९ असोज २५ – वि.सं. २०६० जेठ २२
पूर्वाधिकारी	शेरबहादुर देउबा
उतराधिकारी	सूर्य बहादुर थापा
कार्यकाल वि.सं. २०५३ फागुन २९ – वि.सं. २०५४ असोज २१
पूर्वाधिकारी	शेरबहादुर देउबा
उतराधिकारी	सूर्य बहादुर थापा
कार्यकाल सन् १९९० अप्रिल ६ – सन् १९९० अप्रिल १९
पूर्वाधिकारी	मरिचमान सिंह श्रेष्ठ
उतराधिकारी	कृष्ण प्रसाद भट्टराई
कार्यकाल सन् १९८३ जुलाई १२ – सन् १९८६ मार्च २१
पूर्वाधिकारी	सूर्य बहादुर थापा
उतराधिकारी	नगेन्द्रप्रसाद रिजाल
व्यक्तिगत विवरण
जन्म	(१९४०-०२-१५) फेब्रुअरी १५, १९४० कुरकुटिया गाउँ, बैतडी
राजनीतिक पार्टी	राष्ट्रिय प्रजातन्त्र पार्टी

जीवनी

लोकेन्द्रबहादुरको जन्म बाबु महावीर चन्द र आमा श्रीमती लक्ष्मीदेवीका सन्तानका रूपमा वि.सं. १९९६ साल फागुन ३ गते कुरकुटिया गाउँ, बैतडी जिल्लामा भएको हो। १२ ठकुरी थर मध्येको एउटा थर चन्द हो।

प्रधानमन्त्री

उनी वि.सं. २०४०, वि.सं. २०४६, वि.सं. २०५३ र वि.सं. २०५८ मा गरि चार पटक नेपालको प्रधानमन्त्री बनेका थिए। तर पछिल्ला प्रधानमन्त्रीत्व धेरै लामो समय टिक्न सकेनन्।

वि.सं. २०५१- वि.सं. २०५६

वि.सं. २०५१ को मध्यावधि निर्वाचनमा राप्रपाले २० सिट जित्यो। डा. यादवप्रसाद पन्तको घरमा भएको गोप्य मतदानमा चन्दले सुर्यबहादुर थापालाई पछि पर्दै संसदीय दलको नेता बने। थापाको एक मत कम आएको थियो।

वि.सं. २०५३ मा शेरबहादुर देउवाको सरकार ढलेपछी चन्दले एमालेको समर्थनमा सरकार बनाए। एमालेको समर्थनमा बनेको यो गठबन्धन सरकारलाई खिसी गर्नेहरूले 'चमाले' (चन्द र एमाले) भन्ने गरेको सरकारमै भन्दथे।तर सरकारमै सहभागी भएका राप्रपाका केही मन्त्रीहरू सहभागी भएर अविश्वास प्रस्ताव ल्याएका थिए। कमल थापा सहितका मन्त्रीहरूले "मुसा प्रवृति" देखाएको भन्दै चन्दले प्रधानमन्त्री पदबाट राजीनामा दिएका थिए।

चन्दले राजीनामा दिएपछि कांग्रेसको सहयोगमा सूर्यबहादुर थापाको नेतृत्वमा सरकार गठन भयो। वि.सं. २०५४ सालमा प्रधानमन्त्री थापाले संसद् विघटनका लागि राजा समक्ष सिफारिस गरेका थिए। राजाले संसद विघटन र समावेदन मध्ये कुनले प्राथमिकता पाउने भनेर सर्वोच्च अदालतसँग राय लिएकोमा समावेदनले प्राथमिकता पाउने भनेपछि राजाले संसद विघटन रद्द गरेका थिए। संसद विघटनको मुद्दालाई लिएर राप्रपा पार्टी फुट्यो र लोकन्द्रबहादुर चन्दले राप्रपा (चन्द) गठन गरेका थिए।

वि.सं. २०५६- २०५९

वि.सं. २०५६ सालको आम निर्वाचनमा राप्रपा (चन्द)को पत्तासाफ भयो। चन्द राप्रपामा फर्किए।

मदन पुरस्कार

उनले विसर्जन (कथासङ्ग्रह) नामक ग्रन्थका लागि वि.सं. २०५४ को मदन पुरस्कार प्राप्त गरेका थिए।

बाह्य कडीहरू

• मदन पुरस्कार गुठी