रेखा शर्मा
रेखा शर्मा (वि. सं. ९ असोज २०२६) एक नेपाली राजनीतिज्ञ र वर्तमान सञ्चार तथा सूचना प्रविधि मन्त्री हुन्। उनी दाङ २ बाट प्रतिनिधि सभा सदस्यमा निर्वाचित भएकी हुन्। उनी नेपाल कम्युनिस्ट पार्टी (माओवादी केन्द्र)को सदस्य हुन्।
रेखा शर्मा | |
|---|---|
| सञ्चार तथा सूचना प्रविधि मन्त्री | |
| पद बहाली ३ माघ २०७९ | |
| राष्ट्रपति | विद्यादेवी भण्डारी रामचन्द्र पौडेल |
| प्रधानमन्त्री | पुष्पकमल दाहाल |
| पूर्वाधिकारी | ज्ञानेन्द्रबहादुर कार्की |
| प्रतिनिधि सभा सदस्य | |
| पद बहाली वि.सं २०७९ | |
| पूर्वाधिकारी | शङ्कर पोखरेल |
| निर्वाचन क्षेत्र | दाङ २ |
| व्यक्तिगत विवरण | |
| जन्म | २५ सेप्टेम्बर १९६९[१] घोराही उपमहानगरपालिका, दाङ जिल्ला |
| राष्ट्रियता | नेपाली |
| राजनीतिक दल | नेपाल कम्युनिस्ट पार्टी (माओवादी केन्द्र) |
प्रारम्भिक जीवन सम्पादन गर्नुहोस्
रेखा शर्माको जन्म वि. सं. २०२६ असोज ९ गते घोराहीमा बुबा गिरिराज शर्मा र पार्वती शर्मा पौड्यालको घरमा भएको थियो।[२] उनले महेन्द्र बहुमुखी क्याम्पस, दाङबाट अध्ययन गरेकी हुन्।[३] उनको विवाह कृष्णध्वज खड्कासँग भएको छ।[३]
राजनीतिक जीवन सम्पादन गर्नुहोस्
शर्माले वि. सं. २०४२ सालदेखि राजनीतिमा प्रवेश गरेकी हुन्।[२] वि. सं. २०५७ सालमा उनले नेपाल कम्युनिस्ट पार्टी (माओवादी केन्द्र) मा प्रवेश गरेकी थिइन्।[२] सन् २०५८ मा शर्मालाई उनको श्रीमान्सँग नेपाली सेनाले काठमाडौँको चाबहिलबाट पक्राउ गरेको थियो।[३] शर्मा पटक पटक जेलमा परेकी थिइन्।[३] उनी २०५९ मा जेलबाट रिहा भएकी थिइन्।[३]
प्रतिनिधि सभा निर्वाचन, २०७४मा उनी खस आर्य वर्गबाट समानुपातिक प्रतिनिधित्व प्रणालीका रूपमा निर्वाचित भएकी थिइन्।[४] प्रतिनिधि सभा निर्वाचन, २०७९मा दाङ–२ बाट प्रतिनिधिसभामा निर्वाचित भएकी हुन्।[५] वि. सं. २०७९ मा, उनी पुष्पकमल दाहालको प्रधानमन्त्री तेस्रो मन्त्रिपरिषद्मा सञ्चार तथा सूचना प्रविधि मन्त्री भइन्।[६][७]
सन्दर्भ सामग्रीहरू सम्पादन गर्नुहोस्
- ↑ "सङ्घीय संसद सदस्य, २०७४ परिचयात्मक पुस्तिका", सङ्घीय संसद सचिवालय, २०२१, पृ: 270, अन्तिम पहुँच २०२३-०१-१७।
- ↑ २.० २.१ २.२ "हाई प्रोफाइललाई हराएकी सञ्चार मन्त्री रेखाको काम होला त ‘हाई प्रोफाइल?", नागरिक, अन्तिम पहुँच २०२३-०१-१७।
- ↑ ३.० ३.१ ३.२ ३.३ ३.४ "लडाइँका वेला पार्टीको कारबाहीमा परेकी थिइन् नवनियुक्त सञ्चार मन्त्री शर्मा", हिमालखबर, अन्तिम पहुँच २०२३-०१-१७।
- ↑ "दाङ -२ मा शक्तिशाली शंकर पोखरेललाई उदयीमान रेखा शर्माको टक्कर", सेतोपाटी, अन्तिम पहुँच २०२३-०१-१७।
- ↑ "दाङ २ मा माओवादीकी रेखा शर्मा विजयी, एमालेका महसचिव पोखरेल पराजित", नागरिक, अन्तिम पहुँच २०२३-०१-१७।
- ↑ "नवनियुक्त मन्त्री र राज्यमन्त्रीले लिए शपथ", कान्तिपुर, अन्तिम पहुँच २०२३-०१-१७।
- ↑ "सञ्चार तथा सूचनामा सहज पहुँच पहिलो प्राथमिकता: सञ्चारमन्त्री शर्मा", गोरखापत्र, अन्तिम पहुँच २०२३-०१-१७।